ডিজিটেল ডেস্কঃ পশ্চিমবংগৰ পৰাও মোদীৰ সপোনৰ ৰে’ল বন্দে ভাৰত চলাৰ কথাটোৱে বহুতকে আনন্দিত কৰিছে। এনেসময়তে বংগৰ মুখ্যমন্ত্ৰী তথা প্ৰাক্তন কেন্দ্ৰীয় ৰে’ল মন্ত্ৰী মমা বেনাৰ্জীয়ে এক গুৰুতৰ অভিযোগ উত্থাপন কৰিছে।
মমতাৰ মতে পুৰণি দবাত ৰং সানি 'বন্দে ভাৰত' হিচাপে বংগক দিয়া হৈছে। মমতাই কয় "বন্দে ভাৰতৰ নামত পুৰণি ৰে’লৰ দবাকে ৰং কৰিছে আৰু ইয়াক এখন নতুন ৰে’ল হিচাবে প্ৰচাৰ চলোৱা হৈছে। ইঞ্জিনৰ বাহিৰে সকলো ৰে’ল খনৰ সকলো দবাই পুৰণি দবা। । মোৰ সময়ত, মই বছৰত কমেও ১০০ খন নতুন ৰেল দিছিলোঁ।যোৱা ১১বছৰত, এখনো নতুন ৰে’ল দিয়া হোৱা নাই।যি দিছে সেয়াও পুৰণি"।
পশ্চিম বংগৰ মুখ্যমন্ত্ৰী মমতা বেনাৰ্জীয়ে বৃহস্পতিবাৰে গংগাসাগৰত এনে এক চাঞ্চল্যকৰ দাবী কৰে। মমতাই উষ্মাভৰা স্বৰেৰে কয় "যোৱা ১১ বছৰত পশ্চিম বংগই প্ৰথমবাৰৰ বাবে ৰে’ল পাইছে।তাকো এখন পুৰণি ৰে’ল।"ইপিনে মমতাৰ এনে অভিযোগৰ বিপৰীতে একাংশই কৈছে যে অত্যাধুনিক প্ৰযুক্তিৰে নিৰ্মিত বন্দে ভাৰত এক্সপ্ৰেছত ইঞ্জিন বুলি একো বস্তু নাই।
এই ৰে’লখনত এটা উচ্চ-ক্ষমতাসম্পন্ন বৈদ্যুতিক মটৰ স্থাপন কৰা হৈছে। ফলস্বৰূপে, এই ৰে’লখনে দ্ৰুতগতিত যাত্ৰা কৰিব পাৰে। ৰে’লখনত বিশ্বমানৰ সুবিধাও আছে। যিটো পুৰণি দবাত কেতিয়াও কৰিব নোৱাৰি।
Continue Reading
