কথাতে আছে চৰণেহে জানে মৰণৰ ঠাই। কেতিয়া কাৰ বাবে ক’ত মৃত্যু ৰৈ থাকে সেয়া কোনেও ক’ব নোৱাৰে। ৰাস্তাৰে বন্ধুৰ সৈতে খোজকাঢ়ি গৈ থাকোঁতে এজন যুৱকে হঠাতে হাঁচি মাৰিলে। একেৰাহে দুবাৰ হাঁচি মৰাৰ পিছতে তেওঁ ৰাস্তাত বাগৰি পৰে। বন্ধুসকলে ভাবিছিল যে তেওঁলোকৰ সংগীয়ে উ

Listen to Article

2 min read

80%

ডিজিটেল ডেস্কঃ কথাতে আছে চৰণেহে জানে মৰণৰ ঠাই। কেতিয়া কাৰ বাবে ক’ত মৃত্যু ৰৈ থাকে সেয়া কোনেও ক’ব নোৱাৰে। ৰাস্তাৰে বন্ধুৰ সৈতে খোজকাঢ়ি গৈ থাকোঁতে এজন যুৱকে হঠাতে হাঁচি মাৰিলে। একেৰাহে দুবাৰ হাঁচি মৰাৰ পিছতে তেওঁ ৰাস্তাত বাগৰি পৰে। বন্ধুসকলে ভাবিছিল যে তেওঁলোকৰ সংগীয়ে উজুচি খাই ৰাস্তাত পৰি গৈছে। কিন্তু যেতিয়া তেওঁলোকে যুৱক জনক তুলিবলৈ চেষ্টা কৰিলে তেতিয়াহে তেওঁলোকৰ হতবাক হোৱাৰ পাল।

বাকী বন্ধুসকলে পৰি যোৱা বন্ধুজনৰ হাত আৰু ভৰিৰ তলুৱা ঘঁহি তেওঁক সুস্থ কৰি তুলিবলৈ চেষ্টা কৰিছিল। কিন্তু তেওঁলোকে যুৱকজনৰ পৰা কোনো সঁহাৰি পোৱা নাছিল। যুৱক কেইজনৰ বন্ধু কেইজনে উপাই নাপাই সহায় বিচাৰি চিঞৰিবলৈ ধৰিলে ।চিঞৰি শুনি চুবুৰীয়াৰ লোকসকল ঘটনাস্থলীলৈ দৌৰি আহিল। পৰি যোৱা যুৱকজনক লগে লগে চিকিৎসালয়লৈ লৈ যোৱা হ’ল। অৱশ্যে চিকিৎসকসকলে তেওঁক মৃত বুলি ঘোষণা কৰে। ঘটনাটো উত্তৰ প্ৰদেশৰ মিৰাটত সংঘটিত হৈছে।

ঘটনাটোৰ এটা চিচিটিভিৰ ফুটেজ ইতিমধ্যে ভাইৰেল হৈ পৰিছে। ফুটেজত চাৰিজন যুৱকক ৰাস্তাত খোজকাঢ়ি থকা দেখা গৈছে। তেওঁলোকৰ এজনে হাঁচি মাৰিবলৈ দুয়োখন হাত নাকত হেঁচি ধৰিছিল। তাৰ পিছত তেওঁ ৰাস্তাত পৰি গৈছিল।

স্থানীয় সংবাদ মাধ্যমৰ বাতৰি অনুসৰি চাৰিজন বন্ধুৱে নিশা প্ৰায় ১১ বজাত ঘৰলৈ উভতিছিল। তেতিয়াই এই ঘটনা ঘটে। মৃতকৰ পৰিয়ালৰ মতে যুৱকজনৰ বুকুত মৃদু বিষ হৈ আছিল। তেওঁ এজন স্থানীয় চিকিৎসকৰ পৰা ঔষধো আনি খাইছিল।চিকিৎসকৰ মতে যুৱকজনৰ হৃদৰোগত আক্ৰান্ত হৈ মৃত্যু হৈছে। অৱশ্যে, মৰণোত্তৰ পৰীক্ষাৰ পিছত বিষয়টো স্পষ্ট হ’ব বুলি আৰক্ষী সূত্ৰই প্ৰকাশ কৰিছে।