ডিজিটেল ডেস্কঃ অল ইণ্ডিয়া মুছলিম জামাতৰ সভাপতি তথা সুপৰিচিত ইছলামিক পণ্ডিত মৌলানা চাহাবুদ্দিন ৰাজৱীয়ে শেহতীয়াকৈ এটা ফটোৱা জাৰি কৰিছে। ৰাজৱীয়ে ফটোৱা জাৰি কৰে যে অমুছলমান যুৱকক বিয়া পাতি যিসকল মুছলমান যুৱতীয়ে ‘সিন্দুৰ’, ‘কালৱা’ আৰু ‘বিন্দি’ পৰিধান কৰিছে, তেওঁলোকে ইছলামৰ নীতিৰ বিৰুদ্ধাচৰণ কৰিছে।
উত্তৰপ্ৰদেশৰ বেৰেইলীৰ দৰগাহ আলা হজৰতৰ সৈতে জড়িত মুফতি মৌলানা চাহাবুদ্দিন ৰাজৱীয়ে দেওবাৰে সংবাদমেলৰ ফতোৱা ৰাজহুৱা কৰে। তেওঁ কয় যে শ্বৰীয়া আইন অনুযায়ী, মহিলাসকলে অন্য ধৰ্মৰ প্ৰতীক পিন্ধিব নোৱাৰে। মৌলবীগৰাকীয়ে কয় যে এনে প্ৰথা অনুসৰণ কৰা মহিলাসকলে আচলতে ইছলামিক জীৱনশৈলীৰ প্ৰতি আনুগত্য প্ৰকাশ কৰা নাই আৰু তেওঁলোকক নিৰ্বাসন দিব পাৰি।
লাভ জেহাদৰ বিৰুদ্ধেও ফাতোৱা জাৰি কৰিছে বাৰেলভি উলামাই। ফতোৱা অনুসৰি, শ্বৰীয়তৰ আধাৰত পৰিচয় লুকুৱাই কৰা বিবাহক অবৈধ আৰু হাৰাম বুলি গণ্য কৰা হৈছে। তেওঁ কয় যে উত্তৰ প্ৰদেশৰ লগতে আন কেইবাখনো ৰাজ্যই ধৰ্মান্তৰকৰণ বিৰোধী আইন গ্ৰহণ কৰিছিল যদিও এনে কাণ্ডসমূহ ঘটি আছে।
মৌলবীগৰাকীয়ে কয়, ছ’চিয়েল মিডিয়াত দেখা গৈছে যে মুছলমান যুৱকে নিজৰ ধৰ্মীয় পৰিচয় লুকুৱাই ‘তিলক’ পৰিধান কৰি হিন্দু নাম গ্ৰহণ কৰে। ই শ্বৰীয়ত বিৰোধী আৰু অবৈধ। মৌলানাই কোৰআনৰ উদ্ধৃতি দি কয় যে ইছলাম ধৰ্ম গ্ৰহণ নকৰা কোনো অমুছলমানক বিয়া কৰাব নালাগে।
Continue Reading
