ডিজিটেল ডেস্কঃ এছিয়াৰ সকলোতকৈ ধনাঢ্য ব্যক্তি তথা ৰিলায়েন্স গ্ৰুপৰ পৰিচালন সঞ্চালক মুকেশ আম্বানীৰ বিশ্বৰ ধনী ব্যক্তিৰ তালিকাত স্থান অৱনমিত হৈছে৷ আনহাতেদি,আন এজন ভাৰতীয় উদ্যোগপতি গৌতম আদানীৰ উপাৰ্জন এদিনৰ ভিতৰতে বহু গুণে বৃদ্ধি পাইছে৷
গৌতম আদানীৰ এই আয় বৃদ্ধিৰ মুখ্য কাৰণ হিচাপে শুকুৰবাৰে শ্বেয়াৰ বজাৰত আদানী গ্ৰুপৰ মূল্য বৃদ্ধি হোৱাটো ৷ আদানী গ্ৰুপৰ ট্ৰান্সমিছন কোম্পানীৰ শ্বেয়াৰ সৰ্বাধিক ৫%লৈকে বৃদ্ধি পাইছে,সমান্তৰালভাৱে আদানী এণ্টাৰপ্ৰাইজেছৰ শ্বেয়াৰ বজাৰ মূল্য ১.৬৪% লৈকে বৃদ্ধি পাইছে৷
ৰিলায়েন্স গ্ৰুপৰ স্বতাধিকাৰী মুকেশ আম্বানী ফ’ৰ্বছ আলোচনীৰ ৰিয়েল টাইম বিলিয়নাৰৰ তালিকাত বিশ্বৰ ভিতৰত ১২ নম্বৰ স্থানৰ পৰা ১৩ নম্বৰ স্থানলৈ অৱনমিত হৈছে৷আম্বানীৰ মুঠ সম্পত্তিৰ পৰিমাণ শুকুৰবাৰে ১০৩মিলিয়ন ডলাৰ অৰ্থাৎ ৮০৫ কোটিলৈ নিম্নগামী হৈছে৷শুকুৰবাৰে শ্বেয়াৰ বজাৰ বন্ধ হোৱাৰ সময়ত ৰিলায়েন্স ইণ্ডাষ্ট্ৰিজৰ শ্বেয়াৰ মূল্য ০.০৬৭% অৰ্থাৎ ২,২২৪ টকাত বন্ধ হৈছে৷
ইফালে,আদানী গ্ৰুপৰ গৰাকী গৌতম আদানীয়ে এদিনত বিশ্বৰ সকলো বিলিয়নেয়াৰৰ তুলনাত অধিক উপাৰ্জন কৰিছে। গৌতম আদানিৰ সম্পত্তি এদিনত ১.১ বিলিয়ন ডলাৰ বা ৯০৭৮ কোটি টকা বৃদ্ধি পাইছে। গৌতম আদানীয়ে এই উপাৰ্জনৰ জৰিয়তে বিশ্বৰ ধনী মানুহৰ তালিকাত ২৪ নম্বৰত উপনীত হৈছে।
উল্লেখযোগ্য যে,ফ'ৰ্বছৰ তালিকা অনুসৰি, বিশ্বৰ আটাইতকৈ ধনী ব্যক্তি বাৰ্ণাৰ্ড আৰ্নাল্ডে এদিনতে আটাইতকৈ বেছি ক্ষতিগ্ৰস্ত হৈছে, যিয়ে ৩.৭বিলিয়ন ডলাৰ হেৰুৱাইছে। ইয়াৰ পিছত, মেটাৰ মুখ্য কাৰ্যবাহী বিষয়া মাৰ্ক জুকাৰবাৰ্গে ৩.২ বিলিয়ন ডলাৰ, ৱাৰেন বাফেটে ২.৯ বিলিয়ন ডলাৰ আৰু ইলন মাস্কে ২.৬ বিলিয়ন ডলাৰ হেৰুৱাইছে।
Continue Reading
