--°C
Loading...
Listen to Article
2 min read
80%
ডিজিটেল ডেস্ক : মুখৰ ঘাঁ হৈছে মুখত হোৱা এক প্ৰকাৰৰ আলচাৰ। এইবোৰ আপোনাৰ দাঁতৰ কোমল পৃষ্ঠত, জিভাত, গালৰ ভিতৰত , ওঁঠ বা তালুত দেখা দিয়ে। ইয়াৰ ৰং সাধাৰণতে হালধীয়া বা ৰঙা হয়। অত্যন্ত বেদনাদায়ক হ’লেও ইহঁত সংক্ৰামক নহয়। ঘাঁ বোৰ সংবেদনশীল হোৱাৰ বাবেই আক্ৰান্ত ব্যক্তিজনে গৰম বস্তু খাবলৈ অসুবিধা পায় । মুখৰ আলচাৰৰ আকাৰ বেলেগ বেলেগ আৰু মুখৰ আলচাৰৰ সঠিক লক্ষণসমূহ নিৰ্ভৰ কৰে এজন ব্যক্তিৰ কি ধৰণৰ আলচাৰ আছে তাৰ ওপৰত। সাধাৰণতে  এনে ঘাঁ ২ সপ্তাহৰ ভিতৰত ভাল হৈ পৰে। কিন্তু দীৰ্ঘদিন ধৰি এই ঘাঁ সমূহ অটল হৈ থকাটো জটিল ৰোগৰ লক্ষণ হ’ব পাৰে।

মুখত ঘাঁ বা আলচাৰ হোৱাৰ সঠিক কাৰণ এতিয়াও জানিব পৰা হোৱা নাই যদিও বিভিন্ন কাৰণত হ’ব পাৰে। সাধাৰণতে হৰম’নৰ ভাৰসাম্যহীনতা, এচিডিটি, কোষ্ঠকাঠিন্য, ভিটামিন বি আৰু চিৰ অভাৱৰ লগতে আইৰণ আৰু অন্যান্য অপুষ্টিৰ ফলত এনে ঘাঁ সৃষ্টি হয়। তদুপৰি টেঙা খাদ্য, মানসিক চাপ, গৰ্ভাৱস্থা আৰু জিনীয় কাৰকৰ বাবেও এই ৰোগ হোৱা দেখা যায় । কিছুমান ঔষধে ইয়াৰ প্ৰভাৱ ৰোধ কৰাত সহায় কৰিব পাৰে। ইয়াৰ উপৰিও কিছুমান ঘৰুৱা ঔষধ আছে যিয়ে আপোনাক এই বিষৰ পৰা উপশম দিবলৈ সক্ষম হয় । মুখত ফোহা ওলোৱাটো এই মাৰাত্মক ৰোগৰ লক্ষণ। মুখৰ আলচাৰে সকলো বয়সৰ লোকক আক্ৰান্ত কৰিব পাৰে। বেছিভাগ সময়তে মুখৰ ঘা বিপজ্জনক বুলি গণ্য কৰা নহয়। কিন্তু কিছুমান গুৰুতৰ ৰোগত মুখৰ ঘা এটা গুৰুত্বপূৰ্ণ লক্ষণ হিচাপে দেখা দিয়ে। এনে ৰোগ সমূহ হ'ল: ডায়েবিটিছ ,ইমিউন ডিছঅৰ্ডাৰ ,অন্ত্ৰৰ প্ৰদাহ ,চিলিয়াক ৰোগ, এইডছ (এইচ আই ভি) ইত্যাদি। এই ৰোগৰ বাবে কিছুমান ঘৰুৱা ঔষধৰ ব্যৱহাৰ সম্পৰ্কে জানো আহক :

১)তুলসী পাত : তুলসী পাত ঔষধি গুণৰ বাবে জনাজাত আৰু বহু যুগ ধৰি স্বাস্থ্যৰ বাবে এই তুলসী পাত ব্যৱহাৰ কৰি আহিছে। মুখৰ বিষ হ’লে সতেজ পাত কিছু চোবাই তাৰ লগত পানী অলপ খাব লাগে। প্ৰতিদিনে এনে কৰিলে ফোহাবোৰ ভাল হয়।

২) এলোভেৰাৰ ৰস : মুখৰ আলচাৰ হ’লে দিনটোৰ ভিতৰত সামান্য পৰিমাণে এলোভেৰাৰ ৰস খালে সকাহ পাব পাৰে। এলোভেৰাৰ প্ৰদাহ নিবাৰণকাৰী গুণো আছে আৰু পেটৰ আলচাৰৰ চিকিৎসাতো এলোভেৰাৰ ৰস উপকাৰী বুলি জনা যায়। 
৩) মৌ : পেটৰ সমস্যাৰ বাবে আৰু মুখৰ আলচাৰত লিকোৰাইছে সহায় কৰিব পাৰে। খোৱাপানীত মৌ মিহলাই খালে ই আপোনাৰ পেট পৰিষ্কাৰ কৰাত সহায় কৰে আৰু আলচাৰে সৃষ্টি কৰা বিষাক্ত পদাৰ্থবোৰ নাইকিয়া কৰে।

৪) টেঙা ফল: ভিটামিন চিৰ অভাৱত মুখত ঘাঁ হয়। কমলাৰ দৰে ভিটামিন চি সমৃদ্ধ ফল-মূল খোৱাটো শৰীৰত ভিটামিন চিৰ  পূৰ্ণতাৰ বাবে এটা ভাল বিকল্প হ’ব পাৰে।  আনহাতে দিনে দুটাকৈ নেমু খাইও পৰ্যাপ্ত পৰিমাণে ভিটামিন চি পাব পাৰে।

৫)দৈ: সাধাৰণতে পেটৰ গৰমৰ ফলত মুখৰ ঘা হয়। যিহেতু আলচাৰৰ ফলত জ্বলা-পোৰা হয়, সেয়ে সকলো ধৰণৰ মছলা আৰু গৰম খাদ্যৰ পৰা আঁতৰি থকাই ভাল। আলচাৰৰ পৰা উপশম পাবলৈ ঠাণ্ডা দৈ খাব পাৰে। দৈৰ গুণে এচিডিটিৰ সমস্যা কমাই পেটটো ঠাণ্ডা কৰি ৰাখে।

উক্ত ঘৰুৱা ঔষধৰ ব্যৱহাৰে আপোনাক এনে বিষৰ পৰা অলপ হ'লেও উপশম দিয়াব পাৰে কিন্তু অধিক বিৱৰণৰ বাবে বা দীৰ্ঘদিন ধৰি এই ঘাঁ সমূহ অটল হৈ থাকিলে জৰুৰীভাৱে এজন বিশেষজ্ঞৰ পৰামৰ্শ লোৱাতো নিতান্তই প্ৰয়োজনীয়।



FOLLOW US F
POPULAR
FEATURE
TRENDY
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ডেটিং এপৰ প্ৰেম: কানাডাৰ পৰা ভাৰতলৈ অহা ৬১ বছৰীয়া মহিলাক বিয়া কৰাবলৈ অস্বীকাৰ যুৱকৰ
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী