ডিজিটেল ডেস্ক : পুনৰ অঘটন ঘটিল বিহাৰৰ মুখ্যমন্ত্ৰী নীতিশ কুমাৰৰ সভাত। কিছুদিন পূৰ্বে নীতিশ কুমাৰৰ ৰাজহুৱা সভাত এজন লোকে আক্ৰমণ কৰাৰ পাছত এইবাৰ তেওঁৰ সভাস্থলীত সংঘটিত হ’ল বিস্ফোৰণ। এই ঘটনাক লৈ এতিয়া তীব্ৰ চাঞ্চল্যৰ সৃষ্টি হৈছে।
মঙলবাৰে এই ঘটনা সংঘটিত হয়। বিহাৰৰ মুখ্যমন্ত্ৰী নীতিশৰ এখন সভাত সংঘটিত এই বিস্ফোৰণৰ পাছতে তীব্ৰ চাঞ্চল্যৰ সৃষ্টি কৰিছে। মুখ্যমন্ত্ৰীয়ে মঙলবাৰে নালন্দাত এক সাংস্কৃতিক অনুষ্ঠানত অংশগ্ৰহণ কৰাৰ সময়তে এই ঘটনা সংঘটিত হয়। হঠাতে সভাস্থলীখন কঁপি উঠিল এক প্ৰচণ্ড বিস্ফোৰণৰ শব্দৰে। প্ৰাথমিক অনুসন্ধানত প্ৰকাশ পোৱা অনুসৰি অনুষ্ঠানটোৰ মঞ্চৰ সমীপতে এটা বোমা বিস্ফোৰিত হৈছিল। আৰক্ষীয়ে ইতিমধ্যে ঘটনাটোত জড়িত থকাৰ সন্দেহত এজন লোকক গ্ৰেপ্তাৰ কৰিছে।
মুখ্যমন্ত্ৰী নীতিশ কুমাৰ মঙলবাৰে নালন্দাৰ গান্ধী উচ্চ বিদ্যালয়ত উপস্থিত হৈছিল নীতিশ কুমাৰ। বিস্ফোৰণটো মঞ্চৰ পৰা ১৫-১৮ ফুটৰ দূৰত্বত সংঘটিত হৈছিল। সূত্ৰ অনুসৰি, মুখ্যমন্ত্ৰীক আক্ৰমণ কৰাৰ বাবেই এই বিস্ফোৰণ ঘটোৱা হৈছিল। এই গোচৰটোত ইতিমধ্যে এজন লোকক গ্ৰেপ্তাৰ কৰা হৈছে।
আৰক্ষীয়ে গ্ৰেপ্তাৰ কৰা লোকজনক জিম্মাত লৈ জেৰা কৰি আছে। অৱশ্যে, বিস্ফোৰণৰ তীব্ৰতা কম আছিল বুলি জানিব পৰা গৈছে। বিস্ফোৰণটোত কোনো লোক আহত হোৱা নাই বুলিও প্ৰকাশ কৰিছে আৰক্ষীয়ে।
অৱশ্যে, কি উদ্দেশ্য লৈ কোনে এই বিস্ফোৰণ সংঘটিত কৰিছিল সেই বিষয়ে স্পষ্ট হ’বপৰা নাই আৰক্ষী। বিস্ফোৰণৰ আঁৰত কোন আছে জানিবলৈ অভিযুক্তজনক সোধা-পোছা কৰি থকা হৈছে। জেডিইউ নেতা আৰু কৰ্মীসকলে মুখ্যমন্ত্ৰী নীতিশ কুমাৰৰ নিৰাপত্তাত এনে গাফিলতি হোৱা বিষয়টো লৈ সৰব হৈ পৰিছে। কম দিনৰ ভিতৰতে মুখ্যমন্ত্ৰীৰ নিৰাপত্তাৰ দিশত হোৱা এয়া দ্বিতীয়টো গাফিলতি বুলি চিহ্নিত হৈছে।
Continue Reading
