ডিজিটেল ডেস্কঃ মুম্বাইত মুকলি হ’ল তৃতীয় লিংগৰ দ্বাৰা পৰিচালিত চেলুন৷ কেৱল চুলি কটাৰ বাবেই নহয়, সমগ্ৰ চেলুনখন পৰিচালনাৰ দায়িত্বও তেওঁলোকৰ হাতত থাকিব। দেশত ৭ জন তৃতীয় লিংগ ব্যক্তিৰ পৰিচালনাত মুকলি হ’ল এইধৰণৰ প্ৰথমখন চেলুন।
একবিংশ শতিকাতো তৃতীয় লিংগৰ ব্যক্তিসকল বিভিন্ন ধৰণৰ বৈষম্যৰ বলি হৈছে। নিজৰ অধিকাৰ কাঢ়ি নিবলৈ অহৰহ যুঁজিব লগা হয়। অৱশ্যে কিছুমান ঘটনা সঁচা অৰ্থত সকলোৰে বাবে প্ৰেৰণাদায়ক। তেনে এটা উদাহৰণ হ’ল মুম্বাইৰ এই চেলুনখন।
চেলুনখনৰ কৰ্ণধৰ জৈনাবে কয় যে তৃতীয় লিংগৰ লোকসকলক সবলীকৰণৰ বাবে এই পদক্ষেপ লোৱাটো অতি প্ৰয়োজনীয়। তেওঁ কয়, ‘‘এই চেলুনত চুলি কটাৰ পৰা আৰম্ভ কৰি বিভিন্ন চিকিৎসা কৰা হয়।’’ অৱশ্যে তেওঁ লগতে কয় যে ভৱিষ্যতে তেওঁলোকৰ দৰে তৃতীয় লিংগৰ লোকসকলক স্বাৱলম্বী কৰি তোলাৰ বাবে প্ৰশিক্ষণ দিয়াৰ পৰিকল্পনা কৰা হৈছে।
মুম্বাইৰ দৰে চহৰত এনেধৰণৰ পদক্ষেপে ইতিমধ্যে ছ’চিয়েল মিডিয়াত যথেষ্ট প্ৰশংসা লাভ কৰিছে। এনে পদক্ষেপে দেশৰ বিভিন্ন প্ৰান্তৰ পৰা ধৰ্মান্তৰিত লোকসকলৰ সংগ্ৰামত অধিক সাহস দিব বুলি বহুতে ভাবে।
Continue Reading
