ডিজিটেল ডেস্কঃ মুম্বাইৰ দাদৰৰ এটা চুইমিং পুলৰ পৰা মঙলবাৰে দুই ফুট দৈৰ্ঘ্যৰ এটা ঘঁৰিয়ালৰ পোৱালি উদ্ধাৰ হোৱাৰ ঘটনাই তূ্ৰ প্ৰতিক্ৰিয়াৰ সৃষ্টি কৰিছে। এজন অনাময় কৰ্মীয়ে পুৱা ৫:৩০ বজাত মহাত্মা গান্ধী জলতাৰণ তালাও চুইমিং পুলত চাফাই চলাই থকাৰ সময়তে ঘঁৰিয়ালৰ পোৱালিটো প্ৰত্যক্ষ কৰে।
পিছত ঘঁৰিয়াল বিশেষজ্ঞৰ সহায়ত পোৱালিটো উদ্ধাৰ কৰা হয় । বৃহন্মুম্বাই পৌৰ নিগমে (বিএমচি) ইয়াক ইয়াৰ প্ৰাকৃতিক বাসস্থানত মুকলি কৰাৰ বাবে বন বিভাগক হস্তান্তৰ কৰে।
ঘঁৰিয়ালৰ পোৱালিটোৱে কেনেকৈচুইমিং পুলত আহি প্ৰৱেশ কৰিলে সেয়া জানিবলৈ অনুসন্ধান চলি আছে বিএমচিৰ জ্যেষ্ঠ বিষয়া কিশোৰ গান্ধীয়ে কয় যে নাগৰিক সংস্থাৰ কৰ্মচাৰীসকলে ৰাইজৰ বাবে গেট খোলাৰ আগতে প্ৰতিদিনে ৰাজহুৱা চুইমিং পুলসমূহ পৰিদৰ্শন কৰে। বিষয়াজনে লগতে কয় যে কাৰোবাৰ ক্ষতি সাধন কৰাৰ আগতে পোৱালিটো ধৰা পৰিছে।
Continue Reading
