ডিজিটেল ডেস্কঃএন্ধাৰ জগতৰ গেংষ্টাৰ ডাউদ ইব্ৰাহিমৰ সৈতে সম্পৰ্ক থকা বুলি সন্দেহ কৰা ৰিয়াজ ভাটিক মুম্বাই আৰক্ষীয়ে গ্ৰেপ্তাৰ কৰিছে।তেওঁ এজন ব্যৱসায়ীৰ পৰা ২৪.৮৫ লাখ টকা দাবী কৰাৰ অভিযোগত আৰক্ষীয়ে গ্ৰেপ্তাৰ কৰে।
ভাটিক ন্যায়িক জিম্মালৈ প্ৰেৰণ কৰা হৈছে বুলি আৰক্ষীয়ে প্ৰকাশ কৰিছে। ভাটিক এই বছৰৰ ছেপ্টেম্বৰ মাহৰ পৰাই এণ্টি-এক্সটৰ্চন চেলে বিচাৰি আছিল। যোৱা বছৰৰ ২১ নৱেম্বৰত ভাৰ্ছোভা আৰক্ষী থানাই এজন ব্যৱসায়ীয়ে দাখিল কৰা অভিযোগৰ ভিত্তিত ৫৪ বছৰীয়া ভাটিৰ বিৰুদ্ধে এখন এজাহাৰ পঞ্জীয়ন কৰিছিল। অভিযোগকাৰীয়ে অভিযোগ কৰিছিল যে ভাটিয়ে হানি ট্ৰেপিঙৰ আশ্ৰয় লৈ ২৪.৮৫ লাখ টকা সৰকাই নিছে। অভিযোগকাৰী লোক জন এজন সোণৰ ব্যৱসায়ী । ভাটিয়ে এগৰাকী যৌন কৰ্মীৰ জৰিয়তে তেওঁক ব্লেক মেইলিং কৰাৰ চেষ্টা চলাইছিল বুলিও লোকজনে প্ৰকাশ কৰিছে।
মহিলাগৰাকীয়ে লোকজনৰ সৈতে অন্তৰংগ মুহূৰ্তৰ এটা ভিডিঅ' শ্বুট কৰিছিল মানহানিৰ ভয়তলোক জনে ভাটিক ২৪.৮৫ লাখ টকা পৰিশোধ কৰিছিল । অৱশ্যে, তেওঁ পিছত গম পাইছিল যে মহিলাগৰাকী যৌন কৰ্মী নাছিল, তেওঁ ভাটিৰ পত্নীহে আছিল।
Continue Reading
