ডিজিটেল ডেস্ক : ২১ জুলাই তাৰিখে সংসদভৱনৰ সমাবেশ মঞ্চত মুড়িৰ থাল হাতত লৈ কেন্দ্রীয় চৰকাৰৰ বিৰুদ্ধে প্ৰতিবাদ কৰিছিল তৃণমূল কংগ্ৰেছৰ নেত্রী মমতা বন্দ্যোপাধ্যায়ে৷ এইবাৰ তেওঁ দেখুওৱা দৰেই আন সাংসদ সকলেও মুড়িৰ থাল লৈ বিক্ষোভ প্ৰদৰ্শন কৰিব বুলি বিশেষ সূত্ৰৰ পৰা খৰব পোৱা গৈছে৷ সোমবাৰে সংসদৰ গ্ৰীষ্মকালীন অধিৱেশনৰ দ্বিতীয় সপ্তাহ হ’ব৷সেই অধিৱেশনতেই দেশৰ ১৫তম ৰাষ্ট্ৰপতি দ্ৰৌপদী মুৰ্মুৰে শপত গ্ৰহণ কৰিব৷ সূত্র অনুসৰি, শপত গ্রহণ অনুষ্ঠান শেষ হলেই সংসদ ভৱনৰ বাহিৰত থকা গান্ধী প্ৰতিমূৰ্ত্তিৰ সন্মুখত মুড়িৰ থাল হাতত লৈ প্রতিবাদ বিক্ষোভত অংশ ল’ব তৃণমূল কংগ্ৰেছৰ সাংসদসকলে।
তৃণমূল কংগ্ৰেছৰ এক সাংসদে কয় যে , কেন্দ্রীয় চৰকাৰে নিত্য প্রয়োজনীয় সামগ্ৰীসমূহৰ মূল্যবৃদ্ধি ৰোধ কৰাত ব্যর্থ হৈছে। লগতে পেট্র’ল, পণ্য সামগ্ৰী আৰু কেৰাচিনৰ দাম যথেষ্ট বৃদ্ধি হৈছে৷ সাধাৰণ মানুহৰ জীয়াই থকাই টান হৈ পৰিছে৷ সেয়েহে মোদী চৰকাৰৰ বিৰুদ্ধে প্রতিবাদ, বিক্ষোভ কৰাটো অতি জৰুৰি হৈ পৰিছে। সেইবাবে তৃণমূল কংগ্ৰেছে কেন্দ্রীয় চৰকাৰক তেওঁলোকৰ দ্বায়িত্ব স্মৰণ কৰি দিবলৈ মুড়িৰ থাল হাতত লৈ বিক্ষোভ প্ৰদৰ্শন কৰিব৷ তৃণমূলৰ সাংসদ সকলৰ মতে ,মুড়িৰ থাল হৈছে সাধাৰণ মানুহৰ প্রতীক৷ সাধাৰণ লোকসকলৰ স্বাৰ্থতেই এই প্ৰতিবাদ সাব্যস্ত কৰিব সাংসদ সকলে৷
জানিব পৰা মতে, তৃণমূল কংগ্ৰেছৰ লোকসভা আৰু ৰাজ্যসভাৰ সাংসদ সকলক এই প্রতিবাদত যোগ দিবলৈ কাঢ়া দলীয় নিৰ্দেশ প্ৰদান কৰা হৈছে।
Continue Reading
