ডিজিটেল ডেস্কঃ বছৰৰ প্ৰথম দিনটোতে আহিছে এটা ভয়াৱহ খবৰ৷ পানী নসৰকা নিৰাপ্তা বেষ্টনীৰে পৰিবেষ্টিত মহাৰাষ্ট্ৰৰ নাগপুৰস্থিত ৰাষ্ট্ৰীয় স্বয়ংসেৱক সংঘৰ (আৰএছএছ) মুখ্য কাৰ্যালয়টো বোমাৰে উৰুৱাই দিয়াৰ ভাবুকি আহিল।এজন অচিনাক্ত ব্যক্তিয়ে ফোনত বোমা বিস্ফোৰণ ঘটাই কাৰ্যালয়টো উৰুৱাই দিয়াৰ ভাবুকি দিছে। এনে ভাবুকিৰ পিছতে সংঘৰ মুখ্য কাৰ্যালয়ৰ নিৰাপত্তা ব্যৱস্থা অধিক কটকটীয়া কৰি তোলা হৈছে৷
সংঘৰ চৌহদৰ কাষতে থকা সদৰ আৰক্ষী থানালৈ তেনে এটা ফোন এটা আহিছিল। নাগপুৰৰ ডিচিপি (জোন ৩) গোৰখ ভামৰেই কয়, "আৰক্ষী নিয়ন্ত্ৰণ কক্ষলৈ এটা ফোন আহিছে। এজন ব্যক্তিয়ে আৰ এছ এছৰ মুখ্য কাৰ্যালয়ত বোমা বিস্ফোৰণৰ ভাবুকি দিয়ে। কলটো পোৱাৰ পিছত, বোমা উদ্ধাৰৰ বাবে স্কোয়াডক মাতি অনা হৈছে। কুকুৰ দলো অনা হৈছে । গোটেই বিষয়টো অনুসন্ধান কৰি থকা হৈছে৷ কিন্তু এতিয়ালৈকে বোমা পোৱা হোৱা নাই। ফোন কলৰ পিছত আৰ এছ এছৰ মুখ্য কাৰ্যালয়ৰ নিৰাপত্তা বৃদ্ধি কৰা হৈছে।''
আৰক্ষীয়ে সেই নম্বৰটোৰগৰাকীৰ সন্ধান উলিয়াবলৈ তদন্ত আৰম্ভ কৰিছে । আৰক্ষী আশাবাদী যে তেওঁলোকে শীঘ্ৰেই ৰহস্যটো সমাধান কৰিবলৈ সক্ষম হ'ব।উল্লেখ্য কোনো মতবিৰোধ থাকিলেও এনেদৰে একোটা সংগঠনৰ মুখ্য কাৰ্যালয় বোমাৰে উৰুৱাই দিয়াৰ ভাবুকি বহুতে সহজভাবে গ্ৰহণ কৰিব পৰা নাই৷
Continue Reading
