ডিজিটেল ডেস্কঃ ৰণবীৰ-আলিয়াৰ জীয়ৰী ৰাহা লাহে লাহে ডাঙৰ হৈ আহিছে। ৰণবীৰ কাপুৰ আৰু আলিয়া ভাটে তেওঁলোকৰ কন্যাৰ সৈতে সুন্দৰ সময় অতিবাহিত কৰিছে। ভাট-কাপুৰ পৰিয়ালৰ নয়নমণি ৰাহা। ডেৰ বছৰীয়া শিশুটো এতিয়া হৈ পৰিছে বি-টাউনৰ আটাইতকৈ ধনী 'ষ্টাৰ কিড'। ৰণবীৰ-আলিয়াৰ কন্যাৰ সম্পত্তিয়ে বহু শিশুৰ সম্পত্তিৰ পৰিমাণক অতিক্ৰম কৰিছে।
ইমান কম বয়সতে ৰাহাই ২৫০ কোটি টকাৰ গৰাকী হৈ পৰিছে! কিন্তু কেনেকৈ ? ৰণবীৰ কাপুৰ, আলিয়া ভাট আৰু নীতু কাপুৰক প্ৰায়ে বান্দ্ৰাত দেখা যায়। কৃষ্ণৰাজ বাংলোৰ কাম কিমান আগবাঢ়িছে তাৰ তদাৰক কৰিবলৈ তেওঁলোকে তালৈ যায়। তেওঁলোকে তালৈ বুধবাৰেও গৈছিল। বাংলোৰ কাম প্ৰায় শেষ হৈছে। বলীউডৰ সংবাদ মাধ্যমৰ সূত্ৰ অনুসৰি, ৰণবীৰ-আলিয়াই কন্যা ৰাহাৰ নামত বিলাসী বাংলোটো পঞ্জীয়ন কৰিব।
দুয়োগৰাকী তাৰকাই তেওঁলোকৰ উপাৰ্জনৰ ধন এই বাংলোটোৰ নামত খৰচ কৰিছে।বৰ্তমান বাংলোটোৰ বজাৰ মূল্য হৈছে ২৫০ কোটি টকা। কৃষ্ণৰাজ বাংলো শ্বাহৰুখ খানৰ মান্নাত আৰু অমিতাভ বচ্চনৰ জলচাতকৈও অধিক ব্যয়বহুল। ৰণবীৰ-আলিয়াই ৰাহাক বাংলোটো উপহাৰ দিব। এই বিলাসী বাংলোটোৰ বাহিৰেও ৰণবীৰ আৰু আলিয়াৰ বান্দ্ৰাত ৪ টা ফ্লেট আছে। যাৰ মূল্য ৬০ কোটি।
Continue Reading
