ডিজিটেল ডেস্কঃ ৰণবীৰ সিং আৰু দীপিকা পাডুকনে চাৰি বছৰীয়া বৈবাহিক জীৱন সম্পূৰ্ণ কৰিলে। ইয়াৰ মাজতে তেওঁলোকক লৈ প্ৰবল জল্পনা-কল্পনাৰ সৃষ্টি হৈছে। তেওঁলোকৰ বিচ্ছেদ হ’ব ধৰিছে নেকি? শেহতীয়াকৈ এটা অনুষ্ঠানৰ ভিডিঅ’ ছ’চিয়েল মিডিয়াত ভাইৰেল হৈছে।
তাত দেখা গৈছে- ৰণবীৰে হাতখন আগবঢ়াই দিছে যদিও দীপিকাই তেওঁৰ হাতত নধৰাকৈয়ে আগবাঢ়ি গ’ল। অৱশ্যে অনুষ্ঠানৰ ভিতৰত তেওঁলোকৰ এক বেলেগ ৰূপ দেখা গ’ল। পত্নীৰ প্ৰতি থকা মৰম প্ৰকাশ কৰাত ব্যস্ত হৈ পৰিল ৰণবীৰ। কথাৰে দীপিকাৰ হৃদয় জয় কৰিবলৈ চেষ্টা কৰিলে।
দীপিকাইও তেওঁৰ প্ৰথমখন ছবি ‘ওম শান্তি ওম’ৰ সংলাপত কথা কোৱা শুনা গ’ল। "আপুনি হৃদয়ৰ পৰা কিবা এটা বিচাৰিলেও গোটেই বিশ্বব্ৰহ্মাণ্ডই ষড়যন্ত্ৰ কৰি আপোনাৰ ওচৰলৈ লৈ যায়।"- এই সংলাপ শুনাৰ পিছত ৰণবীৰে দীপিকাৰ বাবে কয়, "হয় সঁচা কথা। যদি আপুনি আপোনাৰ হৃদয়ৰ পৰা বিচাৰে তেন্তে আপুনি তেওঁক পাবই।''
অভিনেতাজনৰ কথা শুনি দীপিকাইও চেঙেলীয়া হাঁহি এটা মাৰিলে। দম্পতীহালৰ এই সুখৰ মুহূৰ্তৰ ছবি দেখি তেওঁলোকৰ অনুৰাগীসকলো আশ্বস্ত হয়।
Continue Reading
