ডিজিটেল ডেস্কঃ বলীউডৰ অভিনেত্ৰী তাপসী পান্নুৰ বিৰুদ্ধে হিন্দু ধৰ্মৰ আৱেগক আঘাত দিয়াৰ অভিযোগ। ইন্দোৰ হিন্দু ৰক্ষা সংগঠনৰ আহ্বায়ক একলব্য সিং গৌৰে এই সম্পৰ্কত এজাহাৰ দাখিল কৰে। তেওঁ বিজেপিৰ সাংসদ মালিনী গৌৰৰ পুত্ৰ। তাপসীয়ে মুকলি পোছাকৰ ওপৰত দেৱী লক্ষ্মীৰ মূৰ্তি থকা নেকলেচ পিন্ধি ভগৱানক অপমান কৰাৰ অভিযোগ উত্থাপন কৰা হৈছে।
যোৱা ১২ মাৰ্চত মুম্বাইত অনুষ্ঠিত হোৱা ফেশ্বন শ্ব’ৰ ৰেম্পত খোজ কাঢ়িছিল তাপসীয়ে। ডিঙিৰ পৰা নাভিলৈকে খোলা থকা কষ্টুম ডিজাইনাৰ মনীষা জয়িংহৰ ডিজাইনৰ ৰঙা গাউন পিন্ধিছিল। উন্মুক্ত বুকুত পিন্ধা পিন্ধা নেকলেচডালত লকেটৰ দৰে স্থাপন কৰা আছিল লক্ষ্মী দেৱীৰ মূৰ্তি। সেই পোছাক পিন্ধি অভিনেত্ৰীগৰাকীয়ে চেঙেলীয়া হাঁহিৰে এখন ফটো তুলিছিল। ছ’চিয়েল মিডিয়া পেজত ফটোখন পোষ্ট কৰাৰ পিছতে এই সমালোচনা আৰম্ভ হয়।
এইবাৰ সাংসদ পুত্ৰ একলব্যইও একে অভিযোগ কৰে। তেওঁ দাবী কৰিছে- "লক্ষ্মী দেৱীৰ লকেট পিন্ধি তাপসীয়ে পৰম্পৰাগত হিন্দু ধৰ্মৰ শিপাত আঘাত কৰিছে।" একলব্যই লগতে কয় যে ঘটনাৰ তদন্ত অব্যাহত আছে।
এই বিষয়ত তাপসীয়ে এতিয়াও মুখ মেলা নাই। অভিনেত্ৰীগৰাকীয়ে স্পষ্ট কৰি দিছে যে তেওঁ সমালোচনাৰ সন্মুখীন হোৱা ব্যক্তি নহয়।
Continue Reading
