নৱবৰ্ষত বাস্তু সম্পৰ্কীয় এই পৰিৱৰ্তনে সম্পূৰ্ণ বছৰটো আপোনাৰ বাবে কৰিব তুলিব পাৰে সুখ-সমৃদ্ধিৰে ভৰা…

ডিজিটেল ডেস্ক : নৱবৰ্ষটো সকলোৰে বাবে নতুন। নতুন উদ্যম, নতুন প্ৰতিশ্ৰুতি, নতুন সংকল্প। তাৰ মাজতে বিগত বছৰকেইটাত কোভিডসৃষ্ট পৰিৱেশৰ বাবে সকলো লোকে বিভিন্ন সমস্যাৰে জৰ্জৰিত হৈ আছে। কিন্তু আগন্তুক বৰ্ষ যাতে সকলোকে সুখ-সমৃদ্ধি আৰু শান্তিৰে ভৰি পৰক তাৰেই কামনাৰে শুভ নৱবৰ্ষ…।

স্মৰ্তব্য যে নৱবৰ্ষৰ পহিলা দিনটোত মন্দিৰলৈ গৈ আগন্তুক সময়খিনি আশাৰ আৰু প্ৰগতিৰে যায় সেয়াই সকলোৰে কাম্য। কিন্তু ইয়াৰ সমান্তৰালকৈ আমি ঘৰখনটো বাস্তু সম্পৰ্কীয় কিছু পৰিৱৰ্তনেও বছৰটো সফল কৰি তুলিব পাৰে। ইয়াৰ বাবে কেইটামান টিপছ জানো আহক।

 * ঘৰত কেলেণ্ডাৰখন কেৱল পূব, পশ্চিম বা উত্তৰ দিশত ৰাখক। ইয়াৰ ফলত সুখ-সমৃদ্ধি আৰু উন্নতি হয়। কেলেণ্ডাৰ উত্তৰ-পূব দিশে স্থাপন কৰাটো অতি শুভ। আনহাতে দক্ষিণ দিশত নতুন কেলেণ্ডাৰ স্থাপন কৰিলে ঘৰত নেতিবাচকতা আহি পৰে।

 * যদি আপোনাক আৰ্থিক সংকটে জুৰুলা কৰিছে আৰু ঘৰত বিবাদ চলি থাকে, তেন্তে আপোনাৰ ঘৰত টয়লেট বা ৱাছৰুমৰ দিশটো পৰীক্ষা কৰক। কাৰণ দক্ষিণ-পশ্চিম দিশত নিৰ্মাণ কৰা শৌচাগাৰে আপোনাক আৰ্থিক বাধাৰ সৃষ্টি কৰে। পাৰিলে ইয়াক অতি সোমকালে সলনি কৰি উত্তৰ বা উত্তৰ-পশ্চিম দিশে স্থাপন কৰিলে শুভ ফল লাভ কৰিব। কিন্তু মনত ৰাখিব যে শৌচাগাৰটো পাকঘৰৰ সন্মুখত বা কাষতে থাকিব নালাগে।

 * ঘৰত প্ৰতিটো সপ্তাহত নিমখীয়া পানীৰে মচক। প্ৰতি দেওবাৰে এই প্ৰতিকাৰ কৰাটো ভাল হ’ব। এনে কৰিলে ঘৰতে নেতিবাচকতা দূৰ হৈ ইতিবাচকতা আহে। ইয়াৰ উপৰি আপোনাৰ গা ধোৱাৰ পানীত অলপ সাগৰীয় নিমখ মিহলাই সপ্তাহত এবাৰ গা ধুব লাগে।

 * ঋণৰ বোজাই শেষ হোৱাৰ নাম লোৱা নাই, তেন্তে ঘৰৰ ভিতৰত উত্তৰ-পূব দিশত আইনা স্থাপন কৰক। ইয়াৰ ফলত ঘৰত সুখ-সমৃদ্ধি বৃদ্ধি হয়। মন কৰিবলগীয়া কথা যে কাঁচৰ ৰং কেতিয়াও মেৰুণ, ৰঙা বা সেন্দুৰীয়া হ’ব নালাগে।

 * মালক্ষ্মীৰ আশীৰ্বাদ লাভ কৰিবলৈ সৰ্বোত্তম উপায় হ’ল তুলসীক পূজা কৰা। নৱবৰ্ষৰ দিনা ঘৰৰ উত্তৰ-পূব কোণত তুলসী গছ ৰোপণ কৰক। পুৱা তুলসী গছত পানী আগবঢ়াওক আৰু প্ৰতিদিনে সন্ধিয়া তুলসীৰ ওচৰত ঘিউৰ চাকি জ্বলাওক। ইয়াৰ ফলত ঘৰত সুখ, শান্তি অটুট থাকিব। মনত ৰাখিব যে দেওবাৰ আৰু একাদশী দিনা তুলসী স্পৰ্শ কৰিব নালাগে লগতে পানীও অৰ্পণ কৰিব নালাগে।