নৰেন্দ্ৰ মোদীয়ে কিয় বাৰে বাৰে ধমক দিছে সাংসদক?

ডিজিটেল ডেস্কঃ সৰৱ হৈ উঠিছে নৰেন্দ্ৰ মোদী ৷ সাধাৰণতে নৰেন্দ্ৰ মোদীয়ে এজন Dynamic প্ৰধানমন্ত্ৰী বুলি সকলোৱে জানে৷ নিজৰ কামৰ গতিশীলতাৰ বিষয়ে নৰেন্দ্ৰ মোদীয়ে দেশবাসীক বিভিন্ন সময়ত উমান দি আহিছে৷ এক অনানুষ্ঠানিক সূত্ৰমতে, নৰেন্দ্ৰ মোদীয়ে নিশা কেৱল ৪ ঘণ্টাহে শুৱে আৰু বাকী সময়খিনি তেওঁ কেৱল দেশৰ কামতেই উচৰ্গিত কৰে৷

এইবাৰ নৰেন্দ্ৰ মোদীয়ে তেওঁলোকৰ সাংসদসকলক উদ্দেশ্যি এক প্ৰকাৰৰ ধমক দিয়ে৷ সংসদত শীতকালীন অধিৱেশন চলি থকা সময়তে নৰেন্দ্ৰ মোদীয়ে সংসদসকলক শীতকালীন অধিৱেশনৰ কাৰ্যসূচীত নিয়মীয়াকৈ উপস্থিত থাকিবলৈ সতৰ্ক কৰি দিছে৷ তেওঁ কয়, ‘আপোনালোকে যদি নিজক সলনি নকৰে, তেনেহলে সময়ৰ লগে-লগে আপোনালোককো সলনি কৰি পেলোৱা হ’ব৷ সংসদতত আৰু সংসদীয় সমিতিৰ বৈঠকতসমূহত উপস্থিতি নিয়মীয়া কৰক৷ আপোনালোকক শিশুৰ দৰে একেৰাহে এই কথাবোৰ কৈ থকাটো মোৰ বাবেও ভাল লগা কথা নহয়৷ সংসদত অনুপস্থিত থকা অথবা অনিয়মীয় উপস্থিতিৰ ৰেকৰ্ড থকা বিজেপি সাংসদসকলৰ প্ৰতি এইদৰে কছোৰতা প্ৰদৰ্শন কৰে প্ৰধানমন্ত্ৰীয়ে৷ এই বৈঠকত কেন্দ্ৰীয় গৃহমন্ত্ৰী অমিত শ্বাহ, বাণিজ্য মন্ত্ৰী পীয়ুষ গোৱেল, বৈদেশিক পৰিক্ৰমা মন্ত্ৰী এছ জয়শংকৰ আৰু সংসদীয় পৰিক্ৰমা মন্ত্ৰী প্ৰহ্লাদ যোশী উপস্থিত থাকে, তদুপৰি বিজেপি ৰাষ্ট্ৰীয় সভাপতি জে পি নড্ডাও উপস্থিত থাকে৷

উল্লেখ্য যে, সংসদৰ চলিত শীতকালীন অধিৱেশনত অগ্নিবৰ্ষা বিৰোধীৰ বিৰোধীৰ প্ৰত্যাহ্বানৰ সন্মুখীন হোৱাৰ পৰিপ্ৰেক্ষিতত প্ৰধানমন্ত্ৰীয়ে এই কঠোৰ নিৰ্দেশনা জাৰি কৰিছে৷ সাংসদসকলক উদ্দেশ্যি মোদীৰ পৰামৰ্শ সূৰ্য নমস্কাৰ কৰি সংসদত উপস্থিত হোৱাক লৈ নিজৰ মাজত প্ৰতিযোগিতা কৰক৷ ইয়াৰ ফলত আপোনালোক সকলোৱে সুস্থ হৈ থাকিব৷ প্ৰধানমন্ত্ৰীয়ে তেওলোকৰ সাংসদসকলক নিজৰ নিৰ্বাচনী এলেকাত খেলা-ধূলা ক্ৰীয়া অনুষ্ঠান পাতিবলৈকো নিৰ্দেশনা দিয়ে৷