ডিজিটেল ডেস্কঃ নেপালৰ ইটাভাটাত বন্ধা শ্ৰমিক হিচাবে কাম কৰি থকা ৩৮ জন ভাৰতীয় লোকক উদ্ধাৰ কৰিছে নেপাল আৰক্ষীয়ে। উদ্ধাৰ কৰা ভাৰতীয় লোকসকলৰ ভিতৰত মহিলা আৰু শিশুও আছেনেপালৰ ৰাউতাহাট অঞ্চলৰ পৰা নেপালী কৰ্তৃপক্ষই ভাৰতীয় লোকসকল উদ্ধাৰ কৰিছে৷
জিলাখনৰ আৰক্ষীক ভাৰতৰ তৰফৰ পৰা এই বিষয়ত অৱগত কৰাৰ পিছতে নেপাল আৰক্ষীয়ে উদ্ধাৰ অভিযান আৰম্ভ কৰিছিল। উদ্ধাৰ কৰা ভাৰতীয় লোকসকলৰ উত্তৰ প্ৰদেশ আৰু তেওঁলোকৰ মাজৰে ২০ জন পুৰুষ আৰু ১৮ টি শিশু আৰু মহিলা। কিছুদিন ধৰি তেওঁলোকক ইটা ভাটাটোত কাম কৰিবলৈ দিয়া হোৱা নাছিল। ৰাউতাহাটৰ উপ আৰক্ষী অধীক্ষকে কয় যে ভাৰতীয় লোককেইজনক সুকলমে উদ্ধাৰ কৰা হৈছে।
তেওঁ লগতে কয় যে উদ্ধাৰ কৰা ভাৰতীয়সকলৰ প্ৰয়োজনীয় কাগজপত্ৰ পৰীক্ষা কৰাৰ পিছত বিহাৰৰ সীতামাঢ়ী জিলাৰ বৈৰগনিয়াত সশস্ত্ৰ সীমা বলৰ হাতত হস্তান্তৰ কৰা হয়। আৰক্ষীৰ মতে উত্তৰ প্ৰদেশৰ বিভিন্ন প্ৰান্তৰ পৰা আহি শ শ পুৰুষ আৰু মহিলাই ৰাউতাহাটৰ ইটা কাৰখানাত কাম কৰে। বহুতে কাম নোপোৱাকৈয়ে কামৰ আশাত ৰৈ আছে।
ফলত সেই ঠাইত বহু ভাৰতীয়ৰ অৱস্থা শোচনীয় হৈ পৰিছে।২০১৩ চনতো দক্ষিণ নেপালত বন্ধা শ্ৰমিক হিচাপে কাম কৰা ২৭ টি নাবালকসহ ৬৪ জন ভাৰতীয়ক নেপালী কৰ্তৃপক্ষই উদ্ধাৰ কৰিছিল।
Continue Reading
