ডিজিটেল ডেস্কঃ অসমৰ বাবে সুখবৰ৷ নেপালত অনুষ্ঠিত হবলগীয়া আন্তৰ্জাতিক ষ্ট্ৰেংথ্লিফটিংলৈ যাবলগীয়া ভাৰতীয় দলত অসমৰ চাৰিগৰাকী খেলুৱৈৱে স্থান লাভ কৰিছে৷
অহা ১০ৰ পৰা ১৩ মাৰ্চলৈ নেপালৰ কপিলাবস্তুত নেপাল ষ্ট্ৰেংথ্লিফটিং ফেডাৰেছনৰ উদ্যোগত বিশ্ব ষ্ট্ৰেংথ্লিফটিং ফেডাৰেছনৰ স্বীকৃতিত অনুষ্ঠিত হবলগীয়া ৯ দেশীয় আন্তৰ্জাতিক ষ্ট্ৰেংথ্লিফটিং চেম্পিয়নশ্বিপত ৬৫ জনীয়া ভাৰতীয় দলৰহৈ অসমৰ পৰা চাৰিগৰাকী লিফটাৰ যথাক্ৰমে মাষ্টাৰ শাখাত কৈলাশ শৰ্মা (১০৫কি:), ৰাজকুমাৰ দাস(৮৫কি:), ফণী চক্ৰৱৰ্তী( ৬০কি:) আৰু ছিনিয়ৰ ল’ৰাৰ শাখাত সিদ্ধাৰ্থ শইকীয়াই (১১৫+কি:গ্ৰা) স্থান লাভ কৰিছে৷
এই কথা এক বিজ্ঞপ্তিৰ জড়িয়তে প্ৰকাশ কৰিছে অসম ষ্ট্ৰেংথ্লিফটিং সন্থাৰ সভাপতি কৈলাশ শৰ্মাই। উল্লেখ্য উক্ত চেম্পিয়নশ্বিপত ভাৰতৰ উপৰি পাকিস্তান, কিৰগিজিস্তান, বাংলাদেশ,উজবেকিস্তান, কাজাখাস্তান,ভূটান, শ্ৰীলংকা আৰু উদ্যোক্তা দেশ নেপালে অংশগ্ৰহণ কৰিব ।
Continue Reading
