ডিজিটেল ডেস্কঃ মঙলবাৰে সন্ধিয়া বেংগালুৰুত পিতৃৰ বন্দুক ব্যৱহাৰ কৰি নিজকে গুলীয়াই হত্যা কৰে এজন ১৯ বছৰীয়া যুৱকে। বিষু উথাপ্পা নামৰ মৃত যুৱকজন প্ৰথম বৰ্ষৰ অভিযান্ত্ৰিক ছাত্ৰ আছিল,শেহতীয়াকৈ ল’ৰাজনে ৰাজা ৰাজেশ্বৰী অভিযান্ত্ৰিক মহাবিদ্যালয়ত পাঠ্যক্ৰমৰ প্ৰথম ষান্মাসিকত নামভৰ্তি কৰিছিল।
প্ৰাথমিক তদন্তত প্ৰকাশ পাইছে যে কিশোৰজনক "ডিবিবিএল অস্ত্ৰৰে বাওঁ বুকুত" কৰা আঘাতৰ বাবে মৃত্যুবৰণ কৰে।
বিষু উথাপ্পাই বিয়লি প্ৰায় ৪:০০ বজাত ঘৰত কোনো নথকাৰ সময়ত পিতৃৰ অনুজ্ঞাপত্ৰ থকা বন্দুক ব্যৱহাৰ কৰি নিজকে গুলীয়াই হত্যা কৰে বুলি আৰক্ষীয়ে জানিবলৈ দিয়ে। নন্দী ইনফ্ৰাষ্ট্ৰাকচাৰ্ছ কৰিডৰ এণ্টাৰপ্ৰাইজত নিৰাপত্তাৰক্ষী হিচাপে তেওঁৰ পিতৃৰ বন্দুকৰ অনুজ্ঞাপত্ৰ আছিল।বেংগালুৰুৰ উত্তৰ সংমণ্ডলৰ উপ আৰক্ষী আয়ুক্তই কয় যে, ‘বিষু উথাপ্পা (১৯ বছৰীয়া যুৱক)ৰ বাওঁ বুকুত ডিবিবিএল অস্ত্ৰৰে গুলী লাগিছিল যেতিয়া তেওঁৰ পিতৃ-মাতৃয়ে নিজৰ সামগ্ৰী আনিবলৈ ঘৰৰ পৰা ওলাই গৈছিল।”ইতিমধ্যে কৰ্তৃপক্ষই তদন্ত আৰম্ভ কৰি বিষুৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে।
Continue Reading
