ডিজিটেল ডেস্কঃ অনুভৱ আছিল একপক্ষীয়। তথাপিও যুৱকজনক জোৰ কৰি যুৱতীগৰাকীৰ সৈতে বিয়াত বহিবলৈ বাধ্য কৰোঁৱা হ’ল। চাকৰি নোহোৱাকৈয়ে ল’ৰাজনৰ সৈতে যুৱতীগৰাকী বিয়াত বহিল। বিয়াৰ প্ৰায় দুবছৰৰ পাছতো ল’ৰাজন চাকৰি লাভৰ পৰা বঞ্চিত হ’ল।দিন গ’ল,সময় বাগৰিল কিন্তু দম্পতীহালৰ মাজত আৰম্ভ হ’ল অহৰহ অস্থিৰতা। এই অস্থিৰতা সহ্য কৰিব নোৱাৰি যুৱকজনে পৰিয়াল আদালতত পত্নীৰ বিৰুদ্ধে শাৰীৰিক আৰু মানসিক নিৰ্যাতনৰ অভিযোগ দাখিল কৰে।
আদালতৰ সূত্ৰ অনুসৰি মহিলাগৰাকীয়ে দাবী কৰিছে যে স্বামী নিবনুৱা হোৱাৰ বাবে পৰিয়াল চলাবলৈ অক্ষম। লগতে স্বামীৰ বিৰুদ্ধে ঘৰুৱা হিংসাৰ এজাহাৰ দাখিল কৰে। ইন্দোৰৰ পৰিয়াল আদালতত এই গোচৰ ৰুজু হোৱাত দেখা গ’ল যুৱতীগৰাকীৰ আছিল যুৱকজনৰ প্ৰতি একপক্ষীয় অনুভূতি।
যুৱকজনৰ মতে, ২০২২ চনত ছোৱালীজনীৰ পৰিয়ালৰ হেঁচাত দুয়োজনে মন্দিৰত বিবাহপাশত আবদ্ধ হয়। যুৱকজনে আৰু দাবী কৰে যে তেওঁ বিয়াৰ পূৰ্বে আপত্তি কৰিছিল।
উল্লেখ্য যে, বৰ্তমান যুৱতীগৰাকীয়ে এখন বিউটি পাৰ্লাৰত কাম কৰে। আদালতে নিৰ্দেশ দিয়ে যে স্বামীক স্ত্ৰী-গৰাকীয়ে প্ৰতিমাহে পাঁচ হাজাৰ টকা জীৱিকা হিচাপে দিব লাগে।তদুপৰি গোচৰটোৰ লগত জড়িত সকলো খৰচ মহিলাগৰাকীয়ে বহন কৰিবলগীয়া হয়। আদালতে নিৰ্দেশ দিয়ে যে যেতিয়ালৈকে যুৱকজনে চাকৰি নাপাব তেতিয়ালৈকে তেওঁ যুৱতীগৰাকীৰ পৰা জীৱিকাৰ ধন লাভ কৰিব।
Continue Reading
