ডিজিটেল ডেস্কঃ মাতৃত্বৰ ডেৰ মাহ পাছতে শাৰিৰীক ব্যায়াম আৰম্ভ কৰি দিছে আলিয়া ভাটে। পূৰ্বৰ চেহেৰা পুনৰ ঘূৰাই পাবলৈকে এই ব্যায়াম কৰিছে আলিয়াই। কিন্তু যি পদ্ধতিৰে শৰীৰচৰ্চা কৰিছে, সেয়া দেখি অনুৰাগীসকল হতভম্ব হৈ পৰিছে।
সামাজিক মাধ্যমত ব্যায়ামৰ ফটো শ্বেয়াৰ কৰি অভিনেত্ৰীগৰাকীয়ে লিখিছে- ''নিজৰ শৰীৰৰ কথা শুনক। ডেৰ মাহ পাছত নতুনকৈ আকৌ পেটৰ স’তে সম্পৰ্ক স্থাপন কৰিবলৈ আৰম্ভ কৰিছো।’’
ফটোত দেখিবলৈ পোৱা মতে, আলিয়াই শৰীৰটো সম্পূৰ্ণৰূপে উল্টাকৈ শূণ্যত ভাঁহি ৰাখিছে। এই শাৰিৰীক চৰ্চাৰ বাবে তেওঁ তেওঁৰ প্ৰশিক্ষকক ধন্যবাদ জনাইছে।
আলিয়াই সামাজিক মাধ্যমত আৰু লিখিছে- ''ওজন কমাবলৈ যি মন যায় তাকে নকৰিব। আপোনাৰ শৰীৰৰ যিমান পৰিমাণৰ পৰিশ্ৰম কৰিব পাৰে, তাৰ বেছি নকৰিব। প্ৰতিগৰাকী মাকৰ জন্ম এটা অলৌকিক ঘটনাৰ দৰে। নিজৰ শৰীৰক ভালপোৱাই আমাৰ প্ৰধান লক্ষ্য হোৱা উচিত।’’
চিকিৎসকৰ পৰামৰ্শ বাদে নিজে কোনো ৰকম শৰীৰচৰ্চা নকৰিবলৈও অনুৰাগীসকলক সতৰ্ক কৰি দিছে আলিয়াই।
Continue Reading
