ডিজিটেল ডেস্কঃ সময় আগুৱাইছে নে পিছুৱাইছে? এই প্ৰশ্ন কৰিলে জনপ্ৰিয় গায়ক য়’ য়’ হানি সিঙে। শ্বাহৰুখ খানৰ 'পাঠান’ ছৱিৰ সম্পৰ্কত এইদৰে মুখ খুলিলে গায়কগৰাকীয়ে।
দেশৰ বিভিন্ন প্ৰান্তত হিন্দুত্ববাদী সংগঠনসমূহে বয়কট পাঠান কাৰ্যসূচী অব্যাহত ৰাখিছে। কিন্তু ইয়াৰ কোনো যুক্তি দেখা নাই হানি সিঙে।
হানি সিঙে শুক্ৰবাৰে কয় যে মানুহ অতিৰিক্তভাৱে প্ৰতিক্ৰিয়াশীল হৈ উঠিছে। পূৰ্বে হয়তো শিক্ষিত মানুহ কম আছিল, কিন্তু অনুভূতি কম নাছিল।
''মতপ্ৰকাশৰ স্বাধিনতা পূৰ্বেও আছিল। মানুহ হয়তো কম শিক্ষিত আছিল, কিন্তু তেওঁলোক অনেক বেছি বিবেকবান আছিল। বুদ্ধি বিচাৰেৰে বিষয়সমূহক বিনোদন হিচাপে গ্ৰহণ কৰিব পাৰিছিল আগৰ মানুহবোৰে।’’- য়’ য়’ হানী সিঙে কয়।
এইক্ষেত্ৰত এ আৰ ৰহমানৰ এটা গানো উল্লেখ কৰে গায়কগৰাকীয়ে। কয়- ''ৰহমান ছাৰৰ এটা গান আছিল- ৰুকমণি ৰুকমণি শ্বাদি কে বাদ ক্য ক্যা হুৱা। মানুহে সেয়াও মানি লৈছিল, মজা কৰিছিল। এইবিলাক শুনি শুনিয়েই ডাঙৰ হৈছো। কিন্তু এতিয়া এনেধৰণৰ পাতল গান বনালেই মানুহে প্ৰতিবাদ আৰম্ভ কৰি দিয়ে।’’
''মানুহে তেতিয়াও বিচক্ষণ আছিল। শ্বায়েৰীৰ মৰ্ম বুজিছিল। তাৰ মাজত কোনো অশ্লীলতা দেখা পোৱা নাছিল। এতিয়া যদি 'চোলি কে পিছে ক্যা হ্যেয়’ৰ দৰে গানো কোনোবাই বনায়, তেন্তে তাৰ কঁপালত দুখ আছে।’’- আক্ষেপ প্ৰকাশ কৰে হানি সিঙে।
''দৰ্শকবিলাক ইমান বেছি প্ৰতিক্ৰিয়াশীল হৈ উঠাৰ কাৰণ মই বুজি পোৱা নাই। বিনোদনৰ অৰ্থই বা থাকিল কি?’’- তেওঁ কয়।
Continue Reading
