ডিজিটেল ডেস্কঃ অন্ধ্ৰপ্ৰদেশৰ মুখ্যমন্ত্ৰী ৱাই এছ জগন মোহন ৰেড্ডীৰ খুৰাক ৱাই এছ ভাস্কৰ ৰেড্ডীক চি বি আইয়ে গ্ৰেপ্তাৰ কৰিছে,প্ৰাক্তন সাংসদ বিবেকানন্দ ৰেড্ডী হত্যাকাণ্ডৰ গোচৰত ভাস্কৰ ৰেড্ডীক গ্ৰেপ্তাৰ কৰা হৈছে। ভাস্কৰ ৰেড্ডীক গ্ৰেপ্তাৰ কৰা ঘটনাটো চিবিআইয়ে ৪৮ ঘণ্টাৰ ভিতৰত কৰা দ্বিতীয়টো গ্ৰেপ্তাৰ। ইয়াৰ পূৰ্বে তদন্তকাৰী সংস্থাটোৱে কুড্ডাপাহৰ সাংসদ ৱাই এছ অবিনাশ ৰেড্ডীৰ ঘনিষ্ঠ সহযোগী গজ্জালা উদয় কুমাৰক গ্ৰেপ্তাৰ কৰিছিল।
ৰাজ্য বিধানসভা নিৰ্বাচনৰ কেইসপ্তাহমান পূৰ্বে ২০১৯ চনৰ ১৫ মাৰ্চৰ নিশা পুলিভেণ্ডুলাস্থিত বিবেকানন্দ ৰেড্ডীৰ বাসগৃহত তেওঁক হত্যা কৰা হৈছিল। হত্যাকাণ্ডৰ সময়ত তেওঁ ঘৰত অকলে আছিল। এই গোচৰৰ প্ৰাৰম্ভিক তদন্ত ৰাজ্যিক অপৰাধ তদন্ত বিভাগৰ বিশেষ তদন্তকাৰী দলে (SIT) চলাই আছিল যদিও ২০২০ চনৰ জুলাই মাহত এই গোচৰটো চিবিআইক গতাই দিয়া হয়।
ৱাই এছ ভাস্কৰ ৰেড্ডীৰ বিৰুদ্ধে ১২০ (বি) (ষড়যন্ত্ৰ), ৩০২ (হত্যা), ২০১ (প্ৰমাণৰ নষ্ট কৰা) ধাৰাত গোচৰ ৰুজু কৰা হৈছে। চিবিআইৰ অভিযোগনামা অনুসৰি বিবেকানন্দ ৰেড্ডীয়ে কদাপা লোকসভাৰ বৰ্তমানৰ অবিনাশ ৰেড্ডীৰ সলনি নিজৰ জেষ্ঠ ভগ্নী ৱাই এছ শৰ্মিলা (মুখ্যমন্ত্ৰী জগন মোহন ৰেড্ডীৰ ভগ্নী) বা ৱাই এছ বিজয়াম্মা (জগন মোহন ৰেড্ডীৰ মাতৃ)ৰ বাবে সংসদীয় নিৰ্বাচনৰ টিকট বিচাৰিছে বুলি অভিযোগ উত্থাপন হৈছে৷
Continue Reading
