ডিজিটেল ডেস্কঃ বহু বছৰ ধৰি কমেডী শ্ব’ৰ বিচাৰক হিচাপে কাম কৰি অহা অৰ্চনা পূৰণ সিং এগৰাকী সফল অভিনেত্ৰীও হয়। চিনেমাত মূল নায়িকা হ’ব নোৱাৰিলেও তেওঁৰ বহু চৰিত্ৰ আইকনিক। অৰ্চনাই প্ৰায় ৩৫ বছৰ ধৰি এই উদ্যোগত কাম কৰি আহিছে যদিও ইয়াৰ পিছতো এনে এক অভাৱ ঘটিছে অভিনেত্ৰীগৰাকীৰ জীৱনত, যাৰ বেদনা এতিয়া বছৰ বছৰ হৈ যোৱাৰ পাছতো বাহিৰলৈ ওলাই আহিছে। শেহতীয়াকৈ অৰ্চনাই কোৱা এক কথা চৰ্চাৰ বিষয় হৈ পৰিছে।
এটা সাক্ষাৎকাৰত অৰ্চনা পূৰণ সিঙে বছৰ বছৰ ধৰি দমন কৰি ৰখা এক দুখৰ বিষয়ে কয়। তাই নিজৰ পেছাদাৰী জীৱনৰ বিষয়ে মুকলিকৈ আলোচনা কৰি স্বীকাৰ কৰে যে মানুহে তেওঁক মাত্ৰ এটা চৰিত্ৰতে চাব বিচাৰে, দৰ্শকে অনুভৱ কৰে যে তেওঁ কেৱল কমেডীহে কৰিব পাৰে। অভিনেত্ৰীগৰাকীৰ মতে- এগৰাকী অভিনেত্ৰী হিচাপে মই নিজকে বঞ্চিত, প্ৰতাৰিত অনুভৱ কৰোঁ। নিজকে ঠগন খাই থকাৰ দৰে লাগে।
অৰ্চনা পূৰণ সিঙৰ মতে, তেওঁ এতিয়াও ভাল চৰিত্ৰৰ বাবে হাহাকাৰ কৰি আছে যিবোৰ কমেডীৰ পৰা পৃথক। তাইৰ মতে- ''মই এজন শিল্পী হিচাপে বেলেগ কিবা এটা কৰিবলৈ হাবিয়াস কৰি আছোঁ, কাৰণ কমেডীৰ বাহিৰেও মই বহুত কৰিব পাৰো। মই কান্দিব পাৰো আৰু কন্দুৱাবও পাৰো। মই আশা কৰিছো এদিন নহয় এদিন এনে এটা দিন আহিব য’ত মোৰ আশা পূৰণ হ'ব।''
অৰ্চনা পূৰণ সিঙৰ মনৰ আশা পূৰণ হয় নে নাই সেয়া সময়তহে লক্ষ্যণীয় হ’ব।
Continue Reading
