ডিজিটেল ডেস্কঃ যি কোনো মুহূৰ্ততে এলিয়েনে আহি পৃথিৱীত নামিব বুলি বহুতে আশংকা ব্যক্ত কৰি থকাৰ সময়তে নিশাৰ আকাশত হঠাতে দেখা গ’ল ৰহস্যময় পোহৰ! আমেৰিকা যুক্তৰাষ্ট্ৰৰ লাছ ভেগাছ চহৰত নিশাৰ আকাশত বিকট শব্দৰে সৈতে এনে পোহৰ দেখা গৈছেছে। ডাৱৰৰ ফাঁকে ফাঁকে চহৰখনৰ সান্দাসকলে ৰঙা আৰু হালধীয়া ৰঙৰ পোহৰ দেখা পোৱা বুলি কৈছে। বহুতে এনে পোহৰ 'ইউএফঅ'ও হ’ব পাৰে বুলি অনুমান কৰিছে।
ঘটনাটোৰ এটা ভিডিঅ'ও পোহৰলৈ আহিছে। ভিডিঅ'টোত, ৰঙা-হালধীয়া পোহৰ লক্ষ্য কৰা হৈছে। ব্ৰেট ফেইনষ্টাইন নামৰ এজন লোকে কয় , "সঁচাকৈ ক'বলৈ গ'লে, পোহৰৰ উৎস ৰহস্যজনক। আমি প্ৰতি নিশা ক্লাবলৈ আহো। কিন্তু মই আগতে কেতিয়াও এনে পোহৰ দেখা নাছিলো। "
উল্লেখ্য আমেৰিকাৰ বিভিন্ন প্ৰান্তত ইউএফঅ’ দেখাৰ কথা বিভিন্নজনে দাবী কৰি আহিছে। লাছ ভেগাছ সেই তালিকাত নতুনকৈ সংযোজন হ’ল। অৱশ্যে বতৰ বিজ্ঞানীসকলে 'ইউএফঅ' তত্ত্ব গ্ৰহণ কৰিবলৈ ইচ্ছুক নহয়। তেওঁলোকে দাবী কৰে যে এইটো এটা প্ৰাকৃতিক কাৰণৰ ফলত সৃষ্টি হোৱা পোহৰ।
Continue Reading
