ডিজিটেল ডেস্কঃ কংগ্ৰেছ নেতা নৱজোত সিং সিদ্ধুৱে তেওঁৰ হ’বলগীয়া বোৱাৰীক বিশ্বৰ আগত চিনাকি কৰাই দিলে। সোমবাৰে দুৰ্গা-অষ্টমী উপলক্ষে সিদ্ধুৱে তেওঁৰ পৰিয়ালৰ কিছু ছবি শ্বেয়াৰ কৰে। পঞ্জাৱ প্ৰদেশ কংগ্ৰেছ কমিটীৰ প্ৰাক্তন সভাপতি নৱজোৎ সিং সিদ্ধুৱে কয় যে তেওঁৰ পুত্ৰই মাতৃৰ ইচ্ছা পূৰণ কৰি গংগা নদীৰ পাৰত হ’বলগীয়া বোৱাৰীক ‘প্ৰমিজ বেণ্ড’ বান্ধিছিল। এই সময়ছোৱাত পৰিয়ালৰ সুখ সকলোৰে মুখত স্পষ্টকৈ দেখা গৈছিল।
নৱজোত সিং সিদ্ধুৱে তেওঁৰ অফিচিয়েল টুইটাৰ হেণ্ডেলত এই ছবিসমূহ শ্বেয়াৰ কৰে। ছবিসমূহত সিদ্ধুক পত্নী নৱজোত কৌৰ, কন্যা ৰবিয়া সিদ্ধু, পুত্ৰ কৰণ সিদ্ধু আৰু হ’বলগীয়া বোৱাৰী ইনায়ত ৰন্ধাৱাৰ সৈতে দেখা গৈছে। ছবিবোৰ শ্বেয়াৰ কৰি সিদ্ধুৱে ক’লে যে মোৰ ল’ৰাটোৱে মাকৰ ইচ্ছা পূৰণ কৰিলে। দুৰ্গা-অষ্টমীৰ শুভ দিনটোত মাতৃ গংগাৰ কোলাত এক নতুন আৰম্ভণি হৈছে। আমাৰ বোৱাৰী ইনায়ত ৰন্ধাৱাৰ লগত সকলোকে চিনাকি কৰাই দিব বিচাৰিছো। দুয়োজনে ইজনে সিজনক ‘প্ৰমিজ বেণ্ড’ বান্ধিছে।
আৰু পঢ়ক: মোদীয়ে পাঁচখনকৈ বন্দে ভাৰত এক্সপ্ৰেছ উদ্বোধন কৰাৰ দিনাই অথন্তৰ, বন্দে ভাৰতৰ খুন্দাত নিহত যুৱক
কংগ্ৰেছ নেতাগৰাকীয়ে ছবি শ্বেয়াৰ কৰাৰ পাছত টুইটাৰ ব্যৱহাৰকাৰীসকলে তেওঁক আৰু তেওঁৰ পুত্ৰক অভিনন্দন জনায়। এজন ব্যৱহাৰকাৰীয়ে মন্তব্য কৰিছিল যে আপোনাক বহুত অভিনন্দন। আপোনাক শুভেচ্ছা আৰু আপোনাৰ লগতে আপোনাৰ পৰিয়ালৰ সুস্বাস্থ্য বৰ্তি থাকক। আন এজন ব্যৱহাৰকাৰীয়ে লিখিছে যে সিদ্ধু পৰিয়ালৰ নতুন দম্পতীলৈ আন্তৰিক অভিনন্দন। নতুন দম্পতীক ভগৱানে আশীৰ্বাদ কৰক।
Continue Reading
