ডিজিটেল ডেস্ক
নকল ঔষধ প্ৰস্তুত আৰু বিক্ৰীৰ বিৰুদ্ধে এতিয়া বিশেষভাৱে সৰৱ হৈ উঠিছে চৰকাৰ৷চৰকাৰী ঘোষণা অনুসৰি ৩০০ পেকেট ঔষধৰ ওপৰত বাৰ কোড প্ৰিণ্ট কৰিব লাগিব নিৰ্মাতকাৰী প্ৰতিষ্ঠাসমূহে৷
ভুৱা ঔষধৰ সমস্যা সমাধান কৰিবৰ বাবে চৰকাৰে এই পদক্ষেপ হাতত লৈছে৷ ঔষধ নিৰ্মাণকাৰী কোম্পানীবোৰৰ দ্বাৰা ৩০০ পেকেট ঔষধৰ ওপৰত 'বাৰ কোড' প্ৰিন্ট কৰাটো একপ্ৰকাৰৰ বাধ্যতামূলক কৰি তুলিব চৰকাৰে৷
নকল আৰু নিম্নমানৰ ঔষধৰ উৎপাদন বন্ধ কৰাত চৰকাৰৰ এই পদক্ষেপে যথেষ্ট সহায় কৰাৰ থল আছে৷ সমান্তৰালভাৱে এতিয়াৰ পৰা ক্ৰয় কৰাৰ পিছতেই আপুনি পৰীক্ষা কৰিব পাৰিব যে আপুনি ক্ৰয় কৰা ঔষধটো প্ৰকৃত হয় নে নহয়৷
২০২৩ চনৰ মে' মাহৰ পৰা ঔষধ আৰু প্ৰসাধনৰ ক্ষেত্ৰত এই নিয়ম কাৰ্যকৰী হ'ব৷ তদুপৰি গ্ৰাহকে ঔষধৰ পেকেটত প্ৰিণ্ট কৰা বাৰ কোড স্কেন কৰি নিৰ্মাণ অনুজ্ঞাপত্ৰ আৰু বেচ নম্বৰৰ দৰে তথ্যও লাভ কৰিব পাৰিব৷
অধিকাংশ গ্ৰাহকে সচেতনতা অবিহনেই পোনপটীয়াকৈ ঔষধ ক্ৰয় কৰে বাবে নকল ঔষধ ব্যৱহাৰৰ সম্ভাৱনা বৃদ্ধি পাইছে৷ ৰাজহুৱা সেৱাৰ উন্নতি সাধন কৰি ভুৱা ঔষধ যোগান বন্ধ কৰাই হৈছে এই সংশোধনীৰ মূল উদ্দেশ্য৷ নতুন সংশোধনী অনুসৰি প্ৰস্তুত কৰা ঔষধ প্ৰকৃত হয় নে নহয় সেইয়া বাৰ কোড বা কিউআৰ কোডে নিশ্চিত কৰিব৷ প্ৰথম পৰ্য়াযত প্ৰায় ৩০০টা ঔষধৰ ক্ষেত্ৰত এই নিয়ম প্ৰযোজ্য হ’ব জানিব পৰা গৈছে৷
Continue Reading
