ডিজিটেল ডেস্ক: NSCNৰ গুলীত আঘাতপ্ৰাপ্ত হৈ সুদীৰ্ঘ বছৰ ধৰি চিকিৎসাধীন হৈ থকা অসম ৰাইফলচৰ জোৱানৰ মৃত্যু ।
মৃত জোৱানগৰাকী হ'ল কোকৰাঝাৰ জিলাৰ ছালাকাটি পদ্মবিল গাঁৱৰ প্রবীন চন্দ্র বৰ্মন (৬০)।
শনিবাৰে নিশা ১:২০ মান বজাত মৃত্যু হয় জোৱানগৰাকীৰ।
মৃত্যুৰ পূৰ্বে জোৱানগৰাকীয়ে পত্নী, দুই কন্যা আৰু এগৰাকী পুত্ৰ সন্তানক ইহসংসাৰত এৰি থৈ যায়।
উল্লেখ্য যে নাগালেণ্ডত যোৱা ২০১৭ চনৰ ১১ ছেপ্টেম্বৰত NSCNৰ আক্রমণত আসাম ৰাইফলচৰ জোৱান প্রবীন চন্দ্র বৰ্মন গুৰুতৰভাৱে আহত হৈছিল ।
জোৱান গৰাকী তেতিয়াৰে পৰা অৰ্থাৎ ২০১৭ চনৰে পৰা চিকিৎসাধীন হৈ আছিল। পৰিয়ালে আশা কৰিছিল এদিন নহয় এদিন তেওঁ সুস্থ হৈ উঠিব। কিন্তু নিয়তিৰ পৰিহাসত তেওঁ সুস্থ হৈ নুঠিল আৰু অৱশেষত শনিবাৰে নিশা চিকিৎসাধীন অৱস্থাতে তেওঁ মৃত্যুক সাৱটি লয়।
উল্লেখ্য যে জোৱান প্রবীণ চন্দ্র বৰ্মনে চিকিৎসাধীন অৱস্থাতে যোৱা ২০২৫ চনৰ ১ ফেব্রুৱাৰীত অৱসৰগ্ৰহণ কৰিছিল।
মৃত্যুৰ সময়ত পত্নীসহ দুগৰাকী কন্যা আৰু এগৰাকী ল’ৰা সন্তান এৰি থৈ যায় প্রবীন চন্দ্র বৰ্মনে।
Continue Reading
