"ন্যায় বিলম্বিত হৈছে ন্যায় অস্বীকাৰ কৰা হৈছে!!️" প্ৰতিবাদী মল্লযোদ্ধাৰ কাষত থিয় দিলে বিৰোধী দলৰ বহু নেতাই

মল্লযোদ্ধাসকলৰ প্ৰতিবাদৰ বিষয়ত  ক্ৰিয়া প্ৰকাশ কৰি বংগৰ মুখ্যমন্ত্ৰী মমতা বেনাৰ্জীয়ে কয়, "আমি সকলোৱে প্ৰতিবাদ কৰি থকা মল্লযোদ্ধাসকলৰ সৈতে থিয় দিব লাগিব। তেওঁলোকে ন্যায় লাভৰ বাবে অপেক্ষা কৰিছে৷  আমাৰ খেলুৱৈসকল আমাৰ দেশৰ গৌৰৱ। তেওঁলোক চেম্পিয়ন। দোষীসকলক তেওঁলোকৰ ৰাজনৈতিক প্ৰভাৱ নিৰ্বিশেষে আইনৰ কাঠগড়ালৈ  আনিব লাগিব। ন্যায় ৰক্ষা কৰিবই লাগিব। সত্য জিকিবই লাগিব।"  কৰ্ণাটক কংগ্ৰেছৰ মুৰব্বী ডি কে শিৱকুমাৰে কয়, "এখন ৰাষ্ট্ৰ হিচাপে আমি লজ্জিত  যে অলিম্পিকৰ পদক বিজয়ী খেলুৱৈসকলে বাৰে বাৰে প্ৰতিবাদত বহিবলগীয়া হৈছে৷ কিন্তু বিজেপি নিয়ন্ত্ৰিত দিল্লী আৰক্ষীয়ে এজাহাৰ গ্ৰহণ নকৰে। বিজেপি নেতাসকল আইনৰ উৰ্ধত থকা যেন লাগিছে। তেওঁলোকৰ বাবে  পৃথক আইপিচি আছে নেকি?’’ 

আৰএলডিৰ মুৰব্বী জয়ন্ত সিঙে টুইটাৰত কয় , "চিআৰপিচিৰ প্ৰথম অনুসূচীৰ অধীনত উৎপীড়ন এক জঘন্য অপৰাধ । ললিতা কুমাৰী বনাম উত্তৰ প্ৰদেশ ৰাজ্য (২০১৩)ৰ  গোচৰৰ পাঁচ জনীয়া বিচাৰপীঠৰ ৰায়ৰ পিছত, তাৎক্ষণিকভাৱে এজাহাৰ পঞ্জীয়নত কোনো বাধা নাই। এজাহাৰ গ্ৰহণৰ পূৰ্বে চৰকাৰে প্ৰাথমিক তদন্তৰ বাবে কেনেকৈ অনুৰোধ কৰিব পাৰে?" মল্লযোদ্ধাসকলৰ  সৈতে একাত্মতা প্ৰকাশ কৰি ৰাজস্থানৰ মুখ্যমন্ত্ৰী অশোক গেহলটেও তেওঁলোকক সমৰ্থন আগবঢ়ায় আৰু বিষয়টো উচ্চতম ন্যায়ালয়ৰ এজন বৰ্তমানৰ ন্যায়াধীশৰ দ্বাৰা স্বতন্ত্ৰ তদন্ত কৰোৱাৰ দাবী জনায়। গেহলটে কয় "দিল্লীৰ যন্তৰ মন্তৰত ন্যায়ৰ বাবে যুঁজি থকা সাহসী মহিলা মল্লযোদ্ধাসকলৰ প্ৰতি মই  সমৰ্থন প্ৰকাশ কৰিছো।

 যিহেতু দিল্লী আৰক্ষীয়ে তেওঁলোকৰ যৌন নিৰ্যাতনৰ অভিযোগত এজাহাৰগ্ৰহণ  কৰিবলৈও অস্বীকাৰ কৰিছে ৷ মই আশা কৰো যে ন্যায়পালিকাই পদক্ষেপ ল'ব আৰু উচ্চতম ন্যায়ালয়ৰ এজন বৰ্তমানৰ ন্যায়াধীশৰ দ্বাৰা স্বতন্ত্ৰ তদন্তৰ নিৰ্দেশ দিব। ’’ দিল্লীৰ শাসনাধিষ্ঠ দল  আপে কয় যে "ন্যায় বিলম্বিত হৈছে ন্যায় অস্বীকাৰ কৰা হৈছে!!️" আপে  অফিচিয়েল হেণ্ডেলৰ জৰিয়তে কৰা এটা টুইটত  কয়, "মোদী চৰকাৰৰ দ্বাৰা সুৰক্ষিত এগৰাকী শক্তিশালী সাংসদৰ বিৰুদ্ধে সাহসী মহিলা অলিম্পিয়ানসকলে ন্যায়ৰ বাবে যুঁজ দিয়াটো ৰাষ্ট্ৰীয় লজ্জাৰ  বিষয়।" ইয়াৰ পূৰ্বে, কংগ্ৰেছৰ সাংসদ শশী থাৰুৰেও  নতুন দিল্লীত মল্লযোদ্ধাসকলে আৰম্ভ কৰা  প্ৰতিবাদলৈ সমৰ্থন জনাইছিল আৰু   বৰ্তমান ৰাজ্যসভাৰ মনোনীত সদস্য আৰু ভাৰতীয় অলিম্পিক সংস্থাৰ সভাপতি হিচাপে পি টি উষাই কৰা মন্তব্যক সমালোচনা কৰিছিল৷