ডিজিটেল ডেস্কঃ দিল্লীৰ সুৰা কেলেংকাৰীৰ গোচৰত গ্ৰেপ্তাৰ হৈ কাৰাগাৰতে আছে অৰবিন্দ কেজৰিৱাল। কেজৰিৱালক ৰাউজ এভিনিউ আদলতে প্ৰদান কৰা জামিনত দিল্লী উচ্চ ন্যায়ালয়ে জাৰি কৰা স্থগিতাদেশক প্ৰত্যাহ্বান জনাই কেজৰিৱালৰ অধিবক্তাই উচ্চতম ন্যায়ালয়ত দাখিল কৰা ভাদেনৰ আজি উচ্চতম ন্যায়ালয়ে শুনানি গ্ৰহণ কৰে। শুনানিৰ সময়ত দিল্লী উচ্চ ন্যায়ালয়ে জাৰি কৰা স্থগিতাদেশক 'অস্বাভাৱিক' আখ্যা দিয়ে উচ্চতম ন্যায়ালয়ে। ফলত কেজৰিৱালে জামিন পাব বুলি এতিয়া বহুতেই ধাৰণা কৰিছে।
উচ্চতম ন্যায়ালয়ে অৰবিন্দ কেজৰিৱালৰ আবেদনৰ সন্দৰ্ভত ৰায়দান সংৰক্ষিত ৰাখে। দিল্লী উচ্চ ন্যায়ালয়ে জামিনত স্থগিতাদেশ দিয়াৰ পিছতে এই ৰায়ৰ বিৰোধিতা কৰি দিল্লীৰ মুখ্যমন্ত্ৰী অৰবিন্দ কেজৰিৱালে উচ্চতম ন্যায়ালয়ৰ কাষ চাপিছিল। উচ্চতম ন্যায়ালয়ে ২৬ জুনত কেজৰিৱালৰ জামিন আবেদনৰ পৰৱৰ্তী শুনানিৰ দিন ধাৰ্য কৰে। উল্লেখ্য দিল্লীৰ ৰাউজ এভিনিউ আদালতে কেজৰিৱালক চৰ্তসাপেক্ষে জামিন প্ৰদান কৰাৰ পিছত দিল্লী উচ্চ ন্যায়ালয়ে তেওঁৰ মুক্তিৰ নিৰ্দেশত স্থগিতাদেশ জাৰি কৰিছিল।
উচ্চতম ন্যায়ালয়ৰ বিচাৰপীঠে আঙুলিয়াই দিয়ে যে দিল্লী উচ্চ ন্যায়ালয়ৰ স্থগিতাদেশৰ ৰায় ‘অস্বাভাৱিক’ । ৰায়দান স্থগিত ৰাখিবলগীয়া হ’লে সেই ৰায় সংৰক্ষিত নহয় বৰঞ্চ ঠাইতে গৃহীত হয়। ইয়াত যি হৈছে সেয়া অস্বাভাৱিক।
ন্যায়াধীশ মনোজ মিশ্ৰ আৰু এছ ভি এন ভট্টীৰ বিচাৰপীঠে কয় যে যদি আবেদনকাৰীয়ে বিশ্বাস কৰিছে যে উচ্চ ন্যায়ালয়ে অন্তৱৰ্তীকালীন আদেশত স্থগিতাদেশ দিয়াত ভুল কৰিলে। অহা ২৬ জুনত সেয়ে ভাগ্য নিৰ্ণয় হ’ব কেজৰিৱালৰ। সেইদিনাই নিৰ্ধাৰণ হ’ব কেজৰিৱালে মুকলি আকাশৰ তললৈ আহিব পাৰিব নে নাই।
Continue Reading
