কোনো খলা-বমা পথ অথবা পাহাৰৰ থিয় গড়াত নহয়, ভৰা নদীৰ মাজত বাইক চলাই সকলোকে আচৰিত কৰি দিছে এজন যুৱকে। ইতিমধ্যে নদীৰ মাজত যুৱকজনে বাইক চলোৱাৰ দৃশ্য সামাজিক মাধ্যমত ভাইৰেল হৈ পৰিছে। ভিডিঅ’টোত দেখা গৈছে যে এজন যুৱকে এখন বাইক লৈ বাঁহৰ দলঙৰ ওপৰত থিয় হৈ আছে। মূ

Listen to Article

2 min read

80%

ডিজিটেল ডেস্কঃ কোনো খলা-বমা পথ অথবা পাহাৰৰ থিয় গড়াত নহয়, ভৰা নদীৰ মাজত বাইক চলাই সকলোকে আচৰিত কৰি দিছে এজন যুৱকে। ইতিমধ্যে নদীৰ মাজত যুৱকজনে বাইক চলোৱাৰ দৃশ্য সামাজিক মাধ্যমত ভাইৰেল হৈ পৰিছে। ভিডিঅ’টোত দেখা গৈছে যে এজন যুৱকে এখন বাইক লৈ বাঁহৰ দলঙৰ ওপৰত থিয় হৈ আছে। মূৰত তেওঁৰ হেলমেট, পিছফালে মোনা। খালি ভৰি। তেওঁ বাইকখন চলাই দিলে।

বাইকখনে লাহে লাহে গৈ নদীৰ একেবাৰে মাজ পালে। নদীৰ মাজত বাইক চলাই থকা যুৱকজনক দেখি বহু নেটিজেন হতবাক হৈ পৰিছে। কিছুমানে সুধিছে এয়া কেনেকৈ সম্ভৱ? নদীৰ মাজত কোনো ৰাস্তা আছিল নেকি বুলিও বহুতে প্ৰশ্ন কৰিছে। কিন্তু নদীৰ মাজত ৰাস্তাত থাকিলেও পানীৰ তলত সেয়া দেখাটো অসম্ভৱ! কিছুমানে প্ৰশ্ন উত্থাপন কৰিছে যদি বাইক খনৰ ইঞ্জিন নদীৰ মাজত বন্ধ হৈ গ’লহেঁতেন তেন্তে কি হ'লহেঁতেন?

কোনোবাই এইবুলিও মন্তব্য কৰিছিল যে এনে ধৰণৰ বিপজ্জনক কাম কেতিয়াও কোনেও কৰিব নালাগে। ভিডিঅ'টো এতিয়া যথেষ্ট ভাইৰেল হৈ পৰিছে। প্ৰাগ নিউজ ডিজিটেলে অৱশ্যে ভিডিঅ'টোৰ সত্যতা পৰীক্ষা কৰা নাই।এই ভিডিঅ'টো 'মটৰঅকটেন' নামৰ টুইটাৰ একাউণ্টত পোষ্ট হৈছে। শিৰোনামটোত লিখা আছে, "যদি ইচ্ছা আছে, উপায়ো আছে, এই ঘটনাটোৱেই ইয়াৰ এক সঠিক উদাহৰণ। আপুনি কেতিয়াবা এনেদৰে বাইক চলোৱাৰ কথা ভাবিব পাৰেনে?"