ডিজিটেল ডেস্কঃ টীম ইণ্ডিয়াৰ তাৰকা কে এল ৰাহুলে ২৩ জানুৱাৰীত আথিয়া চেট্টীৰ সৈতে বিবাহপাশত আৱদ্ধ হ'বলৈ সাজু হৈছে। ৰাহুলৰ উপৰিও আন এগৰাকী তাৰকাইও বিবাহপাশত আৱদ্ধ হ’বলৈ উলাইছে। তেওঁ হৈছে অলৰাউণ্ডাৰ অক্ষৰ পেটেল।
প্ৰেমিকা মেহৰৰ স’তে বিয়াত বহিব অক্ষৰ। অহা ২০ জানুৱাৰীত মেহৰৰ জন্মদিন। যোৱা বছৰ একেটা তাৰিখেতে তেওঁলোকৰ বাগদান হৈছিল। ইতিমধ্যে বিয়াৰ চিঠিত এইদৰে লিখা হৈছে- "আমাৰ জীৱনৰ নতুন যাত্ৰা আৰম্ভ হৈছে। আমি সদায় একেলগে থাকিম।"
অৱশ্যে দুয়োৰে বিবাহৰ তাৰিখ বৰ্তমানলৈকে জানিব পৰা হোৱা নাই। ইতিমধ্যে সামাজিক মাধ্যমত প্ৰেমিক যুগলৰ ফটো দেখা গৈছে।
বিবাহৰ বাবে টীম ইণ্ডিয়াৰ কেইবাটাও শৃংখলাৰ পৰাও অক্ষৰক অব্যাহতি দিয়া হৈছে। নিউজিলেণ্ডৰ বিৰুদ্ধে এদিনীয়া শৃংখলাত বেংগলৰ শ্বাহবাজ আহমেদে আক্সাৰৰ স্থান লৈছে। এজন স্পিনাৰ-অলৰাউণ্ডাৰ হিচাপে টি-২০ দলত ৱাশ্বিংটন সুন্দৰ সোমাইছে। তেওঁ এদিনীয়া দলতো আছে। এদিনীয়া শৃংখলাটো ১৮ জানুৱাৰীত আৰম্ভ হ'ব। ভাৰত আৰু নিউজিলেণ্ডে তিনিখন খেল খেলিব।
Continue Reading
