ডিজিটেল ডেস্কঃ বুকাৰ বিজয়ী লেখক ছলমান ৰুছডিয়ে ২০২২ চনত নিউয়ৰ্কত সংঘটিত আক্ৰমণৰ ঘটনাৰ আধাৰত এখন কিতাপ লিখিছে। ১১ অক্টোবৰ, বুধবাৰে প্ৰকাশন কোম্পানী পেংগুইন ৰেণ্ডম হাউছে এই কথা ঘোষণা কৰে। নিউয়ৰ্ক টাইমছৰ তথ্য অনুসৰি ৰুছডিৰ কিতাপখনৰ নাম ‘নাইফ: মেডিটেচনছ আফটাৰ এণ্টেম্পটেড মাৰ্ডাৰ’। ২০২৪ চনৰ ১৬ এপ্ৰিলত প্ৰকাশ পাব গ্ৰন্থখন।
৭৫ বছৰীয়া ৰুছদীক শটকা ইনষ্টিটিউচনত আক্ৰমণ। ঘটনাৰ লগে লগে সমগ্ৰ থিয়েটাৰখন খালী কৰা হয়। ঘটনাৰ পিছতে আক্ৰমণকাৰীক গ্ৰেপ্তাৰ কৰা হয়। প্ৰত্যক্ষদৰ্শীয়ে জনোৱা মতে, মঞ্চত এজন ব্যক্তিৰ সৈতে ৰুছদীক চিনাকি কৰাই দিয়া হৈছিল। সেই সময়ত দুস্কৃতিকাৰীয়ে তেওঁৰ ওপৰত জপিয়াই পৰিল। ৰুছদীক কমেও ১০-১৫ বাৰ ছুৰীৰে আঘাত কৰা হয়। ডিঙিত অনবৰতে খুন্দা মাৰিছিল।
এই ঘটনাৰ পিছত লেখকৰ এটা চকুৰ দৃষ্টিশক্তি হেৰুৱাই পেলালে। এই আক্ৰমণৰ পিছত লেখকগৰাকী দীৰ্ঘদিন ধৰি পোষ্ট ট্ৰমেটিক ষ্ট্ৰেছ ডিছঅৰ্ডাৰ (PTSD) ৰোগত আক্ৰান্ত হৈ আছিল। নিউয়ৰ্ক টাইমছক ৰুছডিয়ে কয় যে এই কিতাপখন লিখাটো মোৰ বাবে অতি গুৰুত্বপূৰ্ণ আছিল। শিল্পৰ জৰিয়তে ঘটা হিংসাৰ প্ৰতি সঁহাৰি জনাব বিচাৰিছিলো।
এটা চকুৰ দৃষ্টিশক্তি হেৰুৱাই আক্ৰমণকাৰীৰ দাৰে আক্ৰমণৰ ফলত হাত এখন অসাৰ হৈ পৰিছে, ডিঙিৰ স্নায়ুতো গভীৰ আঘাত হৈছে, তথাপিও ভাৰতত জন্মগ্ৰহণ কৰা লেখক ছলমান ৰুছদি ভাঙিবলৈ ইচ্ছুক নহয়।
যোৱা বছৰৰ ১২ আগষ্টত নিউয়ৰ্কত গ্ৰন্থ উন্মোচনী অনুষ্ঠানত তেওঁক আক্ৰমণ কৰা হৈছিল। মে’ মাহত সেই আমেৰিকাৰ চহৰখনৰ কোনো এটা অনুষ্ঠানত প্ৰথমবাৰৰ বাবে ৰাজহুৱা স্থানত উপস্থিত হৈছিল লেখকগৰাকী। সেইদিনা তেওঁ কৈছিল- সন্ত্ৰাসবাদে আমাক ভয় খুৱাব নালাগে। ঈৰ্ষাত নীৰৱ নহব। যুঁজখন চলি থাকিব লাগিব। কাজিয়া চলি থাকিব।”
Continue Reading
