ডিজিটেল ডেস্কঃ মহাৰাষ্ট্ৰৰ বিজেপিৰ মহিলা মৰ্চা দলৰ সভাপতি চিত্ৰা ৱাগৰ প্ৰতি তীব্ৰ সমালোচনাত মুখৰ হ’ল উৰ্ফি জাভেদ। শেহতীয়াকৈ সামাজিক মাধ্যমত অভিনেত্ৰীগৰাকীয়ে শ্বেয়াৰ কৰি অহা নিজৰ বিতৰ্কিত ফটোসমূহক লৈ মুখ খুলিছিল বিজেপি নেত্ৰীগৰাকীয়ে। অশ্লীলতা বিয়পোৱাৰ অভিযোগত উৰ্ফিক গ্ৰেপ্তাৰৰ দাবী তুলিছিল তেওঁ।
তাৰপাছতে উৰ্ফিয়ে চিত্ৰাক কঠোৰ উত্তৰ প্ৰদান কৰে। সামাজিক মাধ্যমযোগে কয়- ''মই জেললৈ যাবলৈ প্ৰস্তুত। কিন্তু তাৰ পূৰ্বে আপুনি নিজৰ আৰু আপোনাৰ পৰিয়ালৰ সম্পত্তিৰ হিচাব দিয়ক। সকলোৱে জানে, ৰাজনীতিবিদসকলৰ আয়ৰ উৎস কি আৰু ক’ৰ পৰা তেওঁলোকে আয় কৰে।’’
''দেশৰ নেতাবিলাকৰ কোনো কাম নাই। এওঁলোক খুব গাধা মানুহ। প্ৰচাৰৰ বাবেই মোক আক্ৰমণ কৰিছে নেত্ৰীগৰাকীয়ে।’’- উৰ্ফিয়ে কয়।
উল্লেখযোগ্য যে উৰ্ফিৰ পোছাক সন্দৰ্ভত এটা টুইট কৰি চিত্ৰা ৱাগে লিখিছিল- ''মুম্বাইৰ ৰাস্তাত নগ্নতাৰ প্ৰচাৰ কৰিছে উৰ্ফিয়ে। তেওঁক অবিলম্বে গ্ৰেপ্তাৰ কৰা হওক। এফালে নিৰাপৰাধ ছোৱালীবিলাক নিম্ন মানসিকতাৰ পুৰুষৰ লালসাৰ চিকাৰ হৈছে। আন ফালে কিছুমান ছোৱালীয়ে এইদৰে প্ৰলোভন দেখাইছে।’’
Continue Reading
