ডিজিটেল ডেস্কঃ ভাৰতীয় দলটোৱে ২০২৪ চনত এখনো দিবা নৈশ টেষ্ট নেখেলে। ভাৰতীয় ক্ৰিকেট ব’ৰ্ডে এই খবৰ দিয়ে। ২০২৪ চনত কোনো ভাৰতীয় দলে গোলাপী বল ক্ৰিকেটত অংশগ্ৰহণ নকৰে। অহা বছৰ ভাৰতে এখনো টেষ্ট নেখেলে। পুৰুষ বা মহিলাৰ কোনো এটা দলেই নেখেলে।
জানিব পৰা মতে ভাৰতীয় ব’ৰ্ডে পিংক বল টেষ্টৰ প্ৰতি আগ্ৰহ হেৰুৱাই পেলাইছে। এনে টেষ্ট আয়োজন বা খেলিবলৈ তেওঁলোকৰ বৰ উৎসাহ নাই। মহিলা আই পি এলৰ নিলামত অনুষ্ঠিত সংবাদমেলত অংশগ্ৰহণ কৰি এই সন্দৰ্ভত বি চি চি আইৰ মতামত স্পষ্ট কৰি দিছে সম্পাদক জয় শ্বাহে।
তেওঁ কয়, "গোলাপী বল টেষ্টৰ প্ৰতি মানুহৰ আগ্ৰহ বঢ়াব লাগে। আপুনি মনত ৰাখিব যে বেছিভাগ মেচ দুই-তিনি দিনত শেষ হয়। সকলোৱে বিচাৰে চাৰি-পাঁচ দিনৰ টেষ্ট মেচ। যদি সেইটো নিশ্চিত হয়, তেন্তে আমি আৰু অধিক গোলাপী বলৰ টেষ্ট আয়োজন কৰিব পাৰিম।’
জয় শ্বাহে লগতে কয়, ‘যোৱাবাৰ অষ্ট্ৰেলিয়াই পিংক বল টেষ্ট আয়োজন কৰিছিল। তেতিয়াৰ পৰা কোনেও আগ্ৰহ প্ৰকাশ কৰা নাই। আমি ইংলেণ্ডৰ সৈতে দিন-ৰাতিৰ টেষ্টৰ কথা পাতিলোঁ৷ কিন্তু ধীৰে ধীৰে আগুৱাব লাগিব।’
Continue Reading
