ডিজিটেল ডেস্কঃ টি২০ বিশ্বকাপত কাইলৈ মুখামুখি হ’ব ভাৰত আৰু দক্ষিণ আফ্ৰিকা। শক্তিশালী দল দুটাক লৈ সেয়ে ক্ৰিকেটপ্ৰেমীসকলৰ মাজত তীব্ৰ উৎকণ্ঠা বিৰাজ কৰিছে।
তেনে সময়তে প্ৰাক্তন অষ্ট্ৰেলিয়ান ক্ৰিকেটাৰ টম মুডীয়ে এক বিশেষ মন্তব্য কৰিছে। মুডীয়ে কয় যে ভাৰতৰ বেটাৰসকলক প্ৰত্যাহ্বান সৃষ্টি কৰিবলৈ হ’লে দক্ষিণ আফ্ৰিকাই চাৰিজনকৈ পেচাৰ খেলাব লাগিব।
মেচখন অনুষ্ঠিত হ’ব পাৰ্থৰ অপ্টাছ ষ্টেডিয়ামত। মুডীয়ে কয় যে পাৰ্থৰ পিটচত ফাষ্ট বলিঙৰ বাবে উপযোগী। দক্ষিণ আফ্ৰিকাৰ যিহেতু এটা শক্তিশালী ফাষ্ট বলিঙৰ আক্ৰমণ আছে, সেয়ে চাৰিজনকৈ পেচাৰক খেলোৱা উচিত।
সেয়ে দক্ষিণ আফ্ৰিকান স্পীনাৰ তব্ৰাইজ ছাম্ছীক আঁতৰাই তেওঁৰ স্থানত এজন ফাষ্ট বলাৰ অন্তৰ্ভূক্ত কৰিবলৈ তেওঁ আহ্বান জনাইছে।
উল্লেখ্য যে ভাৰতে এতিয়ালৈকে বিশ্বকাপত দুখন মেচ খেলি দুয়োখনতে বিজয় সাব্যষ্ট কৰিছে। আনহাতে দক্ষিণ আফ্ৰিকাই দুখন মেচ খেলি এখনত জয়ী হৈছে। সেয়ে পইণ্ট লাভৰ বাবে মেচখনত জয়ী হোৱাটো দক্ষিণ আফ্ৰিকাৰ বাবে গুৰুত্বপূৰ্ণ বিবেচিত হৈছে।
Continue Reading
