ৰোহিত শৰ্মা হ’ব নোৱাৰিব অধিনায়ক! হাৰ্দিক পাণ্ডিয়াৰ শেহতীয়া ফিটনেছ আপডেট আহিল পোহৰলৈ

বৰ্তমান ভাৰতীয় দলটো দক্ষিণ আফ্ৰিকা ভ্ৰমণত আছে। আঘাতৰ বাবে দক্ষিণ আফ্ৰিকা ভ্ৰমণত খেলিব নোৱাৰিলে হাৰ্দিক পাণ্ডিয়াই। কিন্তু ভাৰত-আফগানিস্তানৰ শৃংখলাত হাৰ্দিক পাণ্ডিয়াই পুনৰ উভতি আহিব পাৰিবনে? ভাৰত আৰু আফগানিস্তানৰ মাজত ৩ খন টি-২০ মেচৰ ধাৰাবাহিক খেল অনুষ্ঠিত হ’ব। অহা ১১ জানুৱাৰীত দুয়োটা দলৰ মাজত অনুষ্ঠিত হ’ব শৃংখলাৰ প্ৰথম টি-২০। কিন্তু ভাৰত-আফগানিস্তানৰ শৃংখলাত খেলিব নোৱাৰিব হাৰ্দিক পাণ্ডিয়াই। অৱশ্যে অতি সোনকালে হাৰ্দিক পাণ্ডিয়াই পুনৰ প্ৰত্যাৱৰ্তন কৰিব পাৰে বুলি ধাৰণা কৰা হৈছে। এইদৰে ভাৰতীয় অনুৰাগীৰ বাহিৰেও মুম্বাই ইণ্ডিয়ানছৰ বাবে এটা ভাল খবৰ।

শেহতীয়াকৈ আই পি এলৰ নিলামৰ পূৰ্বে মুম্বাই ইণ্ডিয়ানছে হাৰ্দিক পাণ্ডিয়াক নিজৰ দলৰ অংশ হিচাপে গঢ়ি তুলিছিল। আচলতে মুম্বাই ইণ্ডিয়ানে গুজৰাট টাইটানছৰ পৰা হাৰ্দিক পাণ্ডিয়াক ট্ৰেড কৰিছিল। এইদৰেই আই পি এল ২০২৪ ছিজনত মুম্বাই ইণ্ডিয়ানছৰ জাৰ্চি পিন্ধি হাৰ্দিক পাণ্ডিয়াক দেখা যাব। লগতে মুম্বাই ইণ্ডিয়ানছে ৰোহিত শৰ্মাৰ ঠাইত হাৰ্দিক পাণ্ডিয়াক নিজৰ দলৰ অধিনায়ক হিচাপে স্থান দিছে। অৱশ্যে ইয়াৰ পূৰ্বেও হাৰ্দিক পাণ্ডিয়া মুম্বাই ইণ্ডিয়ানছ দলৰ অংশ আছিল। আই পি এল ২০১৫ ছিজনত প্ৰথমবাৰৰ বাবে খেলিছিল হাৰ্দিক পাণ্ডিয়াই। ইয়াৰ পাছত হাৰ্দিক পাণ্ডিয়াই আই পি এল ২০২১ পৰ্যন্ত মুম্বাই ইণ্ডিয়ানছৰ হৈ খেলে। ইয়াৰ পৰৱৰ্তী সময়ত আই পি এল ২০২২ৰ পূৰ্বে হাৰ্দিক পাণ্ডিয়া গুজৰাট টাইটানছৰ অংশ হৈ পৰে।