ডিজিটেল ডেস্কঃ অপেক্ষাৰ অন্ত, অৱশেষত আলিয়া ৰণবীৰৰ বিয়াক লৈ চলি থকা বিৰ্তকৰ অন্ত পৰিল। বৰ্তমান ৰণবীৰ-আলিয়াৰ বিবাহৰ দিনো নিশ্চিত হৈছে বুলি পোহৰলৈ আহিছে। ৰণলিয়াই এপ্ৰিলৰ দ্বিতীয় সপ্তাহত বিবাহপাশত আবদ্ধ হ’বলৈ গৈ আছে বুলি এতিয়া সৰ্বত্ৰে চৰ্চা হৈছে। যদি সকলো ঠিকে থাকে, আলিয়া ভাট আৰু ৰণবীৰ কাপুৰে ১৭ এপ্ৰিলত বিবাহপাশত আবদ্ধ হ’ব। অৱশ্যে, আলিয়া ভাটৰ ককাকৰ শাৰীৰিক অৱস্থাৰ বাবে, বিয়াখন হয়তো এদিন বা দুদিন পিছুৱাব পাৰে।
ৰণবীৰ কাপুৰ আৰু আলিয়া ভাটৰ পৰিয়ালৰ এক ঘনিষ্ঠ সুত্ৰৰ মতে, অভিনেত্ৰীগৰাকীৰ ককাকৰ স্বাস্থ্যৰ অৱস্থা খুবেই জটিল। গতিকে তেওঁ সোনকালে নাতিনীৰ বিয়া চাব বিচাৰে। উল্লেখ্য যে, আলিয়া ভাটৰ ককাদেউতাকে ৰণবীৰক বৰ ভাল পায়।
অৱশ্যে, আলিয়া ভাট আৰু ৰণবীৰ কাপুৰৰ বিবাহৰ বাবে কোনো নিৰ্দিষ্ট বিবাহ স্থান নাথাকিব। অতিথিৰ তালিকাখনো সীমিত হ’ব। কেৱল আলিয়া-ৰণবীৰৰ পৰিয়াল আৰু ঘনিষ্ঠ বন্ধুবৰ্গ বিবাহস্থলীত উপস্থিত থাকিব।
এতিয়ালৈকে, খবৰ পোৱা গৈছে যে ৰণলিয়াৰ বিয়া ৰণবীৰ কাপুৰৰ পৈতৃক ঘৰত অনুষ্ঠিত হ’ব। বিবাহপৰ্বও দীঘলীয়া নহ’ব। বিবাহৰ সকলো ৰীতি-নীতি দুদিনৰ ভিতৰত শেষ হ’ব।
বিগত বছৰৰ অক্টোবৰ মাহৰ পৰা, ৰণবীৰ কাপুৰ আৰু আলিয়া ভাটৰ বিবাহৰ বাতৰি বলীউডত চৰ্চাত আছিল। কিছুদিনৰ আগতে, তেওঁ বাৰাণসীত ‘ব্ৰহ্মাস্ত্ৰ’ৰ দৃশ্যগ্ৰহণত ব্যস্ত আছিল। বৰ্তমান মুম্বাইতো আলিয়া ভাট আৰু ৰণবীৰ কাপুৰক একেলগে ঘূৰি-ফুৰা দেখা যায়।
ৰণবীৰ কাপুৰক পৰৱৰ্তী সময়ত শ্ৰদ্ধা কাপুৰৰ সৈতে ‘ল’ভ ৰঞ্জন’ৰ ছবিখনত দেখা যাব। আনহাতে, আলিয়া ভাট কৰণ জোহৰৰ ছবি ‘ৰকী ঔৰ ৰাণী কি প্ৰেম কাহানী’ৰ সৈতে তেওঁৰ গলি বয়ৰ সহ-অভিনেতা ৰণবীৰ সিঙৰ সৈতে ব্যস্ত হৈ আছে।
Continue Reading
