ডিজিটেল ডেস্কঃ নতুন ৰিয়েলিটি শ্ব' 'স্মাৰ্ট জোৰী'য়ে ইতিমধ্যে ষ্টাৰ জলছাৰ পৰ্দাত তুলিছে খলকনি। টলিউডৰ ছুপাৰষ্টাৰ জিতে অনুষ্ঠানটো পৰিচালনাৰ দায়িত্ব লৈছে। ষ্টাৰ জলছাৰ পৰ্দাত প্ৰেমৰ দিন উদযাপনৰ আৰম্ভ হৈছিল ২৬ মাৰ্চৰ পৰা। ইতিমধ্যে টেলিভিছনৰ পৰ্দাত ৰিয়েলিটী শ্বটোৰ সম্প্ৰচাৰ আৰম্ভ কৰিছে।
কেইদিনমান আগতে, ৰিয়েলিটি শ্বটোৰ এটা প্ৰ’মো ভাইৰেল হৈ পৰিছিল য'ত সকলোৰে প্ৰিয় বাদামচাচাক তেওঁৰ পত্নীৰ সৈতে 'স্মাৰ্ট জোৰী'ৰ মঞ্চত দেখা গৈছিল। বীৰভূমৰ ভুৱন বাদ্যকৰে দাদাগিৰীৰ মঞ্চত খলকনি তোলাৰ পাছত এইবাৰ এই ৰিয়েলিটি শ্ব'ৰ মঞ্চত উপস্থিত থাকিব। আগন্তুক সপ্তাহত 'স্মাৰ্ট জোৰী'ৰ মঞ্চত পত্নীৰ সৈতে সকলোৰে প্ৰিয় ভূৱন বাদ্যকৰ উপস্থিত থাকিব।
মঞ্চতে মালা পিন্ধাই পত্নী আদুৰীক আকৌ এবাৰ বিয়া কৰাব ভূৱন বাদ্যকৰে। ৩০ বছৰ পূৰ্বে গৰুৰ গাড়ীত বিয়া কৰিবলৈ গৈছিল ভূৱন বাদ্যকৰে। সেই বিয়াৰ কোনো ছবি নাই বাদ্যকৰৰ হাতত। সেই আধৰুৱা স্বপ্ন যেন পূৰণ হ’ল তেওঁৰ। ৰিয়েলিটি শ্ব'ৰ মঞ্চত দৰা-কইনাৰ পোছাকত দুয়োকে দেখিবলৈ পাব অনুৰাগীয়ে।
Continue Reading
