ডিজিটেল ডেস্কঃ কাশ্মীৰৰ পৰা সংবিধানৰ ৩৭০ অনুচ্ছেদ বাতিল কৰাৰ পিছতে উপত্যকাটোলৈ শান্তি ঘূৰি অহা বুলি চৰকাৰে সুবিধা পালেই ঘোষমা কৰি আহিছে৷ কিন্তু ইয়াৰ মাজতে উপত্যকাটোৰ কাষ্মীৰী পণ্ডিতসকল আজিও সন্ত্ৰাবাদীৰ আক্ৰমণৰ লক্ষ্য হৈ আহিছে৷ ইয়াৰ মাজতে কেন্দ্ৰীয় গৃহমন্ত্ৰী অমিত শ্বাহক প্ৰত্যাহ্বান জনাইছে কংগ্ৰেছ নেতা ৰাহুল গান্ধীয়ে৷
অমিত শ্বাহক প্ৰত্যাহ্বান জনাই ৰাহুল গান্ধীয়ে কয় যে যদি কাশ্মীৰত সঁচাকৈয়ে শান্তি বিৰাজ কৰিছে তেন্তে শ্বাহে জম্মুৰ পৰা শ্ৰীনগৰৰ লাল চকলৈ খোজ কাঢ়ি দেখুৱাওক।
জম্মু-কাশ্মীৰত শান্তি অব্যাহত আছে নেকি বুলি সাংবাদিকে সোধা প্ৰশ্নৰ উত্তৰত ৰাহুল গান্ধীয়ে কয়: "ৰাজ্যখনত নিৰ্বাচিত লোকক হত্যা, বোমা বিস্ফোৰণ সংঘটিত হৈছে, নিৰাপত্তাৰক্ষীৰ কথাই ইংগিত দিয়ে যে পৰিস্থিতি ভাল নহয়... যদি বিজেপিয়ে পৰিস্থিতি ভাল বুলিয়েই ভাবে, তেন্তে অমিত শ্বাহে জম্মুৰ পৰা লাল চকলৈ কিয় খোজ কাঢ়ি নাযায়।"
উল্লেখ্য ৰাহুল গান্ধী ভাৰত জোড়ো যাত্ৰাৰ বাবে বৰ্তমান কাশ্মীৰতে আছে৷ কালি লাল চ’কত তেওঁ ভাৰতৰ জাতীয় পতাকা উত্তোলন কৰিছিল৷ আজি শ্ৰীনগৰত অন্ত পৰিব কংগ্ৰেছৰ প্ৰায় ৪০০০ কিলোমিটাৰ জোৰা ভাৰত জোড়ো যাত্ৰাৰ৷
Continue Reading
