ডিজিটেল ডেস্কঃদেশত মোগলৰ নামেৰে নামকৰণ কৰা সকলো নাম সলনি কৰাৰ দাবী জনালে এগৰাকী৷ বিজেপিৰ নেতাই৷ বিজেপি শাসনলৈ অহাৰ পিছতে দেশৰ বহু ঐতিহাসিক স্থানৰ নাম সলনি কৰা হৈছে৷ উদাহৰণ স্বৰূপে এলাহাবাদৰ নাম ৰখা হৈছে প্ৰয়াগৰাজ আদি৷
শেহতীয়াকৈ ভাৰতীয় জনতা পাৰ্টিৰ নেতা শুভেন্দু অধিকাৰীয়ে এইবুলি দাবী জনাইছে যে মোগলৰ নামেৰে নামাকৰণ কৰা ঠাইবোৰৰ পৰা মোগলৰ নাম মচি পেলাই পুনৰ নামকৰণ কৰিব লাগে। পশ্চিম বংগ বিধানসভাৰ বিৰোধী দলৰ নেতাজনে লগতে কয় যে যদি তেওঁৰ দল ৰাজ্যখনত শাসনলৈ আহে তেন্তে তেওঁলোকে এসপ্তাহৰ ভিতৰত সকলো ব্ৰিটিছ আৰু মোগলৰ নাম আঁতৰাই পেলাব। ৰাষ্ট্ৰপতি ভৱনৰ বাগিচাৰ নাম মোগল উদ্যানৰ সলনি অমৃত উদ্যান কৰাৰ বিষয়ত ক’বলৈ গৈ অধিকাৰীয়ে এনেদৰে কয়৷
অধিকাৰীয়ে কয় "তেওঁলোকে (মোগল) বহু হিন্দুক হত্যা কৰিছিল আৰু মন্দিৰ ধ্বংস কৰিছিল। তেওঁলোকৰ নামেৰে নামাকৰণ কৰা সকলো ঠাই চিনাক্ত কৰিব লাগে আৰু পুনৰ নামকৰণ কৰিব লাগে। যদি বিজেপি বংগত শাসনলৈ আহে তেন্তে আমি এসপ্তাহৰ ভিতৰত সকলো ব্ৰিটিছ আৰু মোগলৰ নাম আঁতৰাই দিম" । উল্লেখ্য মোদীৰ চৰকাৰে পৰ্যায়ক্ৰমে বহু ঠাইৰ নাম সলনি কৰি আহিছে৷ বিগত বৰ্ষত দিল্লীৰ বিখ্যাত ৰাজপথক "কৰতাব্য পথ" হিচাপে নামকৰণ কৰিছিল।
Continue Reading
