অমৰনাথত ডাৱৰ বিস্ফোৰণ, কমেও ১৬ গৰাকী মৃত্যু

ডিজিটেল ডেস্কঃ শুকুৰবাৰে সন্ধিয়া প্ৰায় ৫.৩০ বজাত দক্ষিণ কাশ্মীৰ হিমালয়ৰ অমৰনাথৰ পবিত্ৰ মন্দিৰৰ ওচৰত এটা ডাৱৰ বিস্ফোৰণৰ ঘটনা সংঘটিত হয় য'ত ছয়গৰাকী মহিলা আৰু দহগৰাকী পুৰুষসহ কমেও ১৬ গৰাকী লোকৰ মৃত্যু হয়।

সংবাদ সংস্থা এএনআইৰ মতে, এতিয়ালৈকে ৪৮ গৰাকী আঘাতপ্ৰাপ্ত হোৱাৰ খবৰ পোৱা গৈছে। পৰিস্থিতি স্বাভাৱিক নোহোৱালৈকে তীৰ্থযাত্ৰা স্থগিত ৰখা হৈছে। উদ্ধাৰ অভিযানত  দুটা অতিৰিক্ত চিকিৎসা দলৰ সৈতে ছয়টা দল জড়িত হৈ আছে বুলি ভাৰতীয় সেনাই কয়।

"পৰিস্থিতি বৰ্তমান নিয়ন্ত্ৰণত আছে যদিও বৰষুণ এতিয়াও দি আছে। সাম্ভাব্য বিপদৰ আশংকা লক্ষ্য কৰি লগতে অঞ্চলটো প্লাৱিত হোৱাৰ বাবে অমৰনাথ যাত্ৰা অস্থায়ীভাৱে বন্ধ কৰি দিয়া হৈছে। যদি বতৰ স্বাভাৱিক হৈ তেন্তে কাইলৈ যাত্ৰা পুনৰ আৰম্ভ হব বুলি জানিব পৰা গৈছে।

অমৰনাথৰ পবিত্ৰ গুহা অঞ্চলৰ ওচৰত ডাৱৰ বিস্ফোৰণৰ ঘটনা সংঘটিত হোৱাৰ পাছত, যিয়ে এতিয়ালৈকে ১৩ গৰাকী লোকৰ প্ৰাণ হেৰুৱাইছে বুলি জানিব পৰা গৈছে, কেন্দ্ৰীয় গৃহ মন্ত্ৰী অমিত শ্বাহে পৰিস্থিতিটো লক্ষ্য কৰি কয় যে মানুহৰ জীৱন ৰক্ষা  কৰাটো আমাৰ প্ৰাথমিকতা।

গৃহমন্ত্ৰীয়ে জম্মু-কাশ্মীৰৰ লেফটেনেণ্ট গভৰ্ণৰ মনোজ সিনহাৰ সৈতেও কথা পাতিছিল আৰু কৈছিল যে উদ্ধাৰ অভিযান বৰ্তমানেও চলি আছে।

ঘটনাটোৰ বিষয়ে অৱগত কৰি আইটিবিপিৰ পিআৰঅ' বিবেক কুমাৰ পাণ্ডেয়ে কয়, "পৰিস্থিতি স্বাভাৱিক নোহোৱালৈকে অমৰনাথ যাত্ৰা স্থগিত ৰখা হৈছে। কাইলৈৰ ভিতৰত পুনৰ আৰম্ভ হোৱাৰ সম্ভাৱনা আছে।"