ডিজিটেল ডেস্কঃ ৰণবীৰ কাপুৰৰ বহু প্ৰত্যাশিত ছবি এনিমেলে ছবিগৃহত ঢৌ তুলিছে। ১ ডিচেম্বৰত মুক্তি পোৱা ছবিখনে প্ৰথম দিনাৰ পৰাই বক্স অফিচত ধুমুহাৰ সৃষ্টি কৰিছে। ৰণবীৰৰ লগতে ছবিখনত ববী দেউলৰ বলিষ্ঠ অভিনয়ক অতিশয় শলাগ লোৱা হৈছে।
ছবিখনে লাভ কৰা মৰম দেখি ববি দেউল বৰ আৱেগিক হৈ পৰিল আৰু কান্দিবলৈ ধৰে। ছ’চিয়েল মিডিয়াত এটা ভিডিঅ’ ভাইৰেল হৈ পৰিছে য’ত ববি দেউলে পাপাৰাজীৰ সন্মুখত হাত যোৰ কৰি সকলো অনুৰাগীক ধন্যবাদ জনাইছে; ইয়াৰ পাছত নিজৰ গাড়ীত বহিবলৈ লওঁতে তেওঁ আৱেগিক হৈ কান্দি উঠে।
তেওঁৰ এই ভিডিঅ'টো ছচিয়েল মিডিয়াত অতি ভাইৰেল হৈ পৰিছে। ভিডিঅ’টোৰ ওপৰত ইটোৰ পাছত সিটো মন্তব্য দেখা গৈছে। এনিমেলত তেওঁৰ উৎকৃষ্ট অভিনয়ৰ বাবে অনুৰাগীয়ে ববীক স্নেহেৰে ওপচাই দিছে।ছবিখনৰ সংগ্ৰহৰ কথা ক’বলৈ গ’লে ছবিখনে মুক্তিৰ দিনটোত বিশ্বজুৰি ১১৬ কোটি টকা উপাৰ্জন কৰি বক্স অফিচত খলকনি তুলিছে। ঘৰুৱা বক্স অফিচত ছবিখনে প্ৰথম দিনাই ৬৩.৮ কোটি আৰু দ্বিতীয় দিনা ৬৬ কোটি টকা উপাৰ্জন কৰিছিল। এই দুদিনত এনিমেলৰ মুঠ সংগ্ৰহ হৈছে ১২৯.৮০ কোটি টকা।
Continue Reading
