ডিজিটেল ডেস্কঃ অসমৰ মায়াঙ্ক চক্ৰৱৰ্তীয়ে পঞ্জাৱৰ জলন্ধৰত অনুষ্ঠিত হোৱা ৰাষ্ট্ৰীয় অনুৰ্দ্ধ ১৭ বছৰ শাখাত চেম্পিয়ন হৈ অসমলৈ গৌৰৱ কঢ়িয়াই আনিছে। মায়াঙ্কে অন্তিম ৰাউণ্ডত উত্তৰ প্ৰদেশৰ পৃথ্বী সিঙক পৰাস্ত কৰি ১১ ৰাউণ্ডৰ পৰা ১০ পইণ্ট সংগ্ৰহ কৰি খিতাপ অৰ্জন কৰে।
উত্তৰ প্ৰদেশৰ অজয় সন্তোষ পৰ্ৱথৰেড্ডীয়ে ৯ পইণ্ট সংগ্ৰহ কৰি দ্বিতীয় আৰু তেলেংগানাৰ ৱিগনেশ এদৱেথ ভেমূলাই দ ৮.৫ সংগ্ৰহ কৰি তৃতীয় স্থান লাভ কৰে।
মায়াঙ্কে প্ৰতিযোগিতাত ১১খন গেমৰ ৯ খনত বিজয়ী আৰু ২ খন খেলত দ্ৰ কৰি ১০ পইণ্ট লাভ কৰে। চেম্পিয়নৰ খিতাপ অৰ্জন কৰা মায়াঙ্কে ৯০ হাজাৰ টকা নগদ ধন পুৰস্কাৰ হিচাপে লাভ কৰিছে।ইয়াৰ উপৰি তেওঁ আগন্তুক বিশ্ব যুৱ দবাত মায়াঙ্ক অনুৰ্দ্ধ ১৮ বছৰ শাখাত ভাৰতক প্ৰতিনিধিত্ব কৰিবলৈ নিৰ্বাচিত হৈছে। প্ৰতিযোগিতা খন জলন্ধৰ জিলা দবা সন্থাই পঞ্জাৱ দবা সন্থা আৰু সৰ্ব ভাৰতীয় দবা মহাসংঘৰহৈ আয়োজন কৰিছিল।
মায়াঙ্কৰ এই কৃতিত্বৰ বাৱে সদৌ অসম দবা সন্থাৰ সাধাৰণ সম্পাদক ৰাজীৱ ধৰ, সভাপতি কন্দৰ্প কলিতা, গুৱাহাটী দবা একাডেমিয়ে অভিনন্দন জনাইছে।
Continue Reading
