ডিজিটেল ডেস্কঃ ৰজ ডে’ৰ দিনাই পত্নীৰ পৰা এজন স্বামীয়ে গোলাপ পোৱাৰ সলনি প্ৰচণ্ড চৰ পালে। গোলাপৰ পৰিৱৰ্তে স্বামীয়ে পালে পত্নীৰ পিটন।
কিয়নো অন্য যুৱতীৰে প্ৰেমৰ সম্পৰ্ক আছিল স্বামীৰ। পত্নীক মাকৰ ঘৰত ৰাখি অন্য যুৱতীৰ সৈতে প্ৰেমলীলা চলাই গৈছিল স্বামীয়ে। ঘটনা পোহৰলৈ অহাৰ পাছতে পত্নীয়ে ৰণচণ্ডী ৰূপ ধৰি থানাত দাখিল কৰিলে এজাহাৰ। লোকজনৰ নাম পুনীত ত্ৰিপাঠী।
এজাহাৰৰ ভিত্তিত পুনীত আৰু তেওঁৰ প্ৰেমিকাক থানালৈ মতাই অনাৰ পাছত থানা চৌহদতে পুনীতক পত্নীয়ে দিলে চৰ আৰু চেণ্ডেলৰ কোব। কেৱল স্বামীক মাৰধৰ কৰিয়েই ক্ষান্ত নাথাকি অবৈধ প্ৰেমিকাকো মাৰধৰ কৰে পত্নীয়ে।
ভুক্তভোগী মহিলাগৰাকীয়ে কয় যে ‘‘মোৰ স্বামীয়ে মোক তিনি বছৰ ধৰি মাৰ ঘৰৰ পৰা অনা নাছিল। এতিয়া এবছৰৰ পাছত যেতিয়া মই নিজৰ ইচ্ছামতে আহিছিলো তেতিয়া মোৰ স্বামীয়ে মোক প্ৰতিদিনে সুধিছিল, মই কিয় আহিছো? তেওঁ মোক বিবাহ বিচ্ছেদৰো হেঁচা দিছিল। আমাৰ এটি পু্ত্ৰ সন্তানো আছে৷ মোৰ স্বামীৰ ওপৰত সন্দেহ হৈছিল আৰু মই সেয়া প্ৰমাণ কৰিবলৈ দীৰ্ঘদিন ধৰি উঠিপৰি লাগিছিলো। মই সকলো তথ্য সংগ্ৰহ কৰো আৰু মোৰ সন্দেহ সঁচা হ’ল।’’
এই ঘটনাটো সংঘটিত হৈছে মধ্য প্ৰদেশৰ সতনা চহৰত। থানাৰ ভিতৰতে মাৰপিট সংঘটিত হোৱাত আৰক্ষীয়ে পৰিস্থিতি নিয়ন্ত্ৰণ কৰিবলগীয়া হয়।
Continue Reading
