ডিজিটেল ডেস্কঃ এই খন বিশ্বত কিমান যে কি ঘটনা ঘটে। পুৰুষ "গৰ্ভৱতী " হোৱাৰ এক ঘটনা শেহতীয়া পোহৰলৈ আহিছে। অবিশ্বাস্য ঘটনাটো ঘটিছে নাগপুৰ। নাগপুৰৰ সেই লোকজনৰ পেটটো অস্বাভাৱিকভাৱে ফুলি গৈছিল। ৩৬ বছৰীয়া লোকজনৰ পেটত স্থিতি লৈছিল ভ্ৰূণে! যদিও ঘটনাটো ১৯৯৯ চনতে সংঘটিত হৈছিল , সেই ঘটনাৰ কথা এতিয়াহে লোকচক্ষুৰ সন্মুখলৈ আহিছে।
ৰাষ্ট্ৰীয় সংবাদমাধ্যমত প্ৰকাশিত বাতৰি অনুসৰি নাগপুৰৰ বাসিন্দা সেই লোকজনৰ গৰ্ভত যমজ সন্তানে স্থিতি লৈছিল। লোক জনৰ নাম সঞ্জু ভগত । তেওঁৰ পেটটো ফুলি আহিছিল যদিও প্ৰথমে তেওঁ চিকিৎসকৰ ওচৰলৈ যোৱাৰ প্ৰয়োজনীয়তা অনুভৱ কৰা নাছিল। কিন্তু লাহে লাহে পেটটো ইমান বেছি ফুলি উঠিছিল যে লোকজনে উশাহ লোৱাত কষ্ট পাবলৈ ধৰিছিল। শেষত মুম্বাইৰ এখন চিকিৎসালয়খনত পৰীক্ষা কৰি তেওঁৰ গৰ্ভত ভ্ৰূণ থকাৰ কথা নিশ্চিত কৰা হৈছিল।
প্ৰথম দৃষ্টিত চিকিৎসকসকলে ভাবিছিল যে লোকজনৰ পেটত হয়তো টিউমাৰ আছে। সঞ্জু কৰ্কট ৰোগত আক্ৰান্ত আছিল। সেয়ে চিকিৎসকে তেওঁৰ দ্ৰুত অস্ত্ৰোপচাৰ কৰাৰ পৰিকল্পনা কৰিছিল।ইয়াৰ পিছতে প্ৰকৃত সত্যটো ওলাই পৰে। যি কথাই চিকিৎসকসকলক হতবাক কৰি তুলিছিল। শল্য চিকিৎসক অজয় মেহতাই কয় যে মানুহজনৰ অস্ত্ৰোপচাৰ কৰাৰ পিছত তেওঁলোকে ভ্ৰূণৰ ভৰি আৰু চুলিকে ধৰি শৰীৰৰ বিভিন্ন অংশ বিচাৰি পাইছিল।
দৰাচলতে বিশ্বত তেনেই বিৰল এই নিৰ্দিষ্ট শাৰীৰিক অৱস্থাটোক 'ফেটাছ ইন ফেটু ' বুলি কোৱা হয়। লোকজনৰ দুয়োটা ভ্ৰূণৰে মৃত্যু ঘটিছিল। চিকিৎসকসকলে কয় যে এনে পৰিস্থিতি অত্যন্ত বিৰল। প্ৰতি পাঁচ লাখ লোকৰ ভিতৰত এজনৰহে এনে হ’ব পাৰে। চিকিৎসকসকলে এতিয়া চাৰে তিনি দশক আগতে ঘটা ঘটনাটোৰ কথা কোনো এক বিষয়ৰ প্ৰসংগত প্ৰকাশ কৰিছে। লগে লগে ৰাষ্ট্ৰীয় সংবাদ মাধ্যমত খবৰটোৱে ঠাই পাইছে।
Continue Reading
