ডিজিটেল ডেস্কঃ পশ্চিমবংগৰ প্ৰাক্তন মুখ্যমন্ত্ৰী বুদ্ধদেৱ ভট্টাচাৰ্যৰ কন্যা সুচেতনা ভট্টাচাৰ্যই কয় যে তেওঁ লিংগ পৰিৱৰ্তন কৰি অতি সোনকালে পুৰুষ হ’ব। ইয়াৰ বাবে সুচেতনা ভট্টাচাৰ্যই যৌন পৰিৱৰ্তনৰ অস্ত্ৰোপচাৰ কৰিবলৈ সাজু হৈছে। ট্ৰেন্সজেণ্ডাৰ পুৰুষ হোৱাৰ পাছত তেওঁ সুচেতন ভট্টাচাৰ্য বুলি পৰিচিত হ’ব।
শেহতীয়াকৈ সুচেতনাই এলজিবিটিকিউ সম্প্ৰদায়ৰ এখন সন্মিলনত অংশগ্ৰহণ কৰিছিল য’ত তেওঁ এই কথা উল্লেখ কৰিছিল। তেওঁ কয়, “মই প্ৰায়ে অপমানিত হৈছো কাৰণ মই নিজকে নাৰী হিচাপে নহয়, পুৰুষ হিচাপেহে চাইছিলো, কিশোৰ বয়সৰ পৰা। মই ভাবো এতিয়া মই এই যুঁজখনৰ বাবে সাজু হৈছো।
সুচেতনা ভট্টাচাৰ্যই কয় যে তেওঁৰ পিতৃ বুদ্ধদেৱ ভট্টাচাৰ্যই তেওঁৰ সিদ্ধান্তক সদায় সমৰ্থন কৰি আহিছে, আনহাতে মাতৃ মীৰাই আপত্তি থাকিলেও ইয়াৰ বিৰোধিতা কৰা নাছিল। শেহতীয়াকৈ অনুষ্ঠিত হোৱা এলজিবিটিকিউ সন্মিলনত তেওঁ নিজকে সুচেতন, এজন সমাজকৰ্মী আৰু ‘ফ্ৰীলান্স গ্রাফিক ডিজাইনাৰ’ বুলি পৰিচয় দিছিল।
তেওঁ কয় যে অতি সোনকালে তেওঁৰ লিংগ পৰিৱৰ্তনৰ বাবে অস্ত্ৰোপচাৰ কৰা হ’ব। সুচেটনাই কয়, ‘ছ’চিয়েল মিডিয়াত মোক সহায় কৰা সকলোকে মই ধন্যবাদ জনাইছো। মোক সকলোৰে শুভেচ্ছা লাগে।" সুচেতনাই কয় যে চৰকাৰী পৰিচয় পত্ৰত নাম আৰু লিংগ সলনি কৰাৰ আইনী প্ৰক্ৰিয়া অস্ত্ৰোপচাৰৰ পূৰ্বে হ'ব। এই বিষয়ত প্রাক্তন মুখ্যমন্ত্রী ভট্টাচাৰ্য আৰু তেওঁৰ পত্নীৰ কোনো প্রতিক্রিয়া চর্চালৈ অহা নাই৷
Continue Reading
