ডিজিটেল ডেস্ক: ২১ জানুৱাৰীত সুশান্ত সিং ৰাজপুতৰ জন্ম বাৰ্ষিকী। আজি যদি সুশান্ত আমাৰ মাজত থাকিলহেঁতেন তেন্তে তেওঁ ৩৭ সংখ্যক জন্মদিন পালন কৰিলেহেঁতেন। আজি সুশান্তৰ ভগ্নী শ্বেতা সিং কীৰ্তিয়ে এটা আৱেগিক ভিডিঅ’ আৰু পোষ্ট শ্বেয়াৰ কৰিছে। তেওঁলোকৰ শৈশৱৰ স্মৃতি অনুৰাগীৰ সৈতে ভাগ কৰিছে।
আজিও সুশান্ত সিং ৰাজপুতৰ মৃত্যুৰ বাতৰিয়ে কন্দুৱাই বহু অনুৰাগীক। ৩৪ বছৰ বয়সতে অজান কাৰণত আত্মঘাটি সিদ্ধান্ত লৈছিল অভিনেতা গৰাকীয়ে। “পবিত্ৰ ৰিষ্টা” ৰ জৰিয়তে জনপ্ৰিয়তা লাভ কৰা সুশান্ত সিঙে পিছলৈ বলীউডতো নিজৰ বলিষ্ঠ অভিনয়েৰে দৰ্শকৰ হৃদয়ত স্থান বনাবলৈ সক্ষম হয়।
ওপজা দিন উপলক্ষে আজি সুশান্তক স্মৰণ কৰি তেওঁৰ ভগ্নী শ্বেতা সিং কীৰ্তিয়ে লিখিছে এটি আৱেগিক পোষ্ট
সুশান্ত সিং ৰাজপুতৰ জন্ম বাৰ্ষিকীত তেওঁৰ ভগ্নী শ্বেতা সিং কীৰ্তিয়ে তেওঁক পুৰনি ছবি পোষ্ট কৰি স্মৰণ কৰে। প্ৰয়াত অভিনেতাগৰাকীৰ পৰিয়ালৰ সৈতে এখন ছবি পোষ্ট কৰি তেওঁ লিখিছে- 'মোৰ মৰমৰ সৰু ভাইটিলৈ জন্ম দিনৰ সুভাষা তুমি যতেই আছা সুখত থাকা , মোৰ অনুভৱ হয় তুমি নিশ্চয় কৈলাশত মহাদেৱৰ সৈতে সময় পাৰ কৰিছা। কেতিয়াবা তললৈ চাবাচোন যে তুমি কিমান যাদুৰ সৃষ্টি কৰিছা। তুমি তোমাৰ দৰেই
বহু সুশান্তৰ জন্ম দিলা। মই সদায় তোমাক লৈ গৌৰৱান্বিত।'
জনপ্ৰিয় টিভি শ্ব’ পবিত্ৰ ৰিষ্টাত মুখ্য চৰিত্ৰত অভিনয় কৰি সুশান্ত সিং ৰাজপুতৰ নাম ঘৰে ঘৰে জনপ্ৰিয় হৈ পৰিছিল। তেওঁৰ আকৰ্ষণীয় ফিল্মগ্ৰাফীত আছিল কেদাৰনাথ, এম এছ ধোনী: দ্য আনটল্ড ষ্ট’ৰী। কেদাৰনাথ”, “পিকে” আদিৰ দৰে কেইবাখনো ছবিত অভিনীত সুশান্ত সিঙৰ মৃত্যুয়ে শোকস্তব্ধ কৰি তুলিছিল সকলোকে ।
সুশান্ত সিং ৰাজপুতৰ শেষ প্ৰজেক্ট আছিল অভিনীত দিল বেচাৰা। ২০২০ চনত তেওঁৰ মৃত্যুৰ পিছত মুক্তি লাভ কৰা ছবিখন।
Continue Reading
