ডিজিটেল ডেস্কঃ অপেক্ষা শেষ! অৱশেষত কন্যাসন্তানৰ নাম প্ৰকাশ কৰিলে বলিউডৰ তাৰকা দম্পত্তি ৰণবীৰ কাপুৰ আৰু আলিয়া আলিয়া ভাটে। বৃহস্পতিবাৰে ইনষ্টাগ্ৰামত এখন ফটো শ্বেয়াৰ কৰি কন্যাসন্তানৰ নাম প্ৰকাশ কৰে আলিয়াই।
ফটোখনত দেখা গৈছে ৰণবীৰৰ কোলাত কন্যাসন্তানটি আছে। কাষতে আলিয়াই ৰৈ সন্তানৰ ফালে চাই আছে। তেওঁলোকৰ বেকগ্ৰাউণ্ডৰ ৱালত এটা ফুটবল জাৰ্চি আঁৰি থোৱা আছে। বাৰ্চিলোনা ফুটবল ক্লাবৰ জাৰ্চিটোত এটা বিশেষ নাম লিখা আছে।
জাৰ্চটোত লিখা নামটো হৈছে- 'ৰাহা’। এই 'ৰাহা’ই হৈছে ৰণবীৰ-আলিয়াৰ কন্যাৰ নাম। এই নামটো ৰাখিছে ৰণবীৰৰ মাক নীতু কাপুৰে।
ইনষ্টাগ্ৰাম প’ষ্টটোত আলিয়াই কন্যাৰ নাম ৰাহা ৰখাক লৈও বিস্তৰভাৱে ব্যাখ্যা দাঙি ধৰিছে। 'ৰাহা’ নামটোৰ অৰ্থসমূহ তেওঁ উল্লেখ কৰিছে।
আলিয়াই লিখিছে যে স্বাহিলি ভাষাত 'ৰাহা’ শব্দৰ অৰ্থ আনন্দ, সংস্কৃতত বংশ, বাংলাত স্বস্তি আৰু আৰৱী ভাষাত শান্তি। ৰাহা মানে আনন্দ আৰু স্বাধিনতাও।
উল্লেখ্য যে চলিত মাহৰ ৬ তাৰিখে কন্যাসন্তানৰ জন্ম দিছিল আলিয়াই। তাৰপাছৰে কন্যাৰ নাম কি ৰখা হ’ব সেই লৈ চৰ্চা চলিছিল।
Continue Reading
