ডিজিটেল ডেস্কঃ মণিপুৰ জ্বলিছে, জ্বলিয়েই আছে৷ মণিপুৰৰ কেইবাটাও ঠাইত হোৱা হিংসাত্মক সংঘৰ্ষৰ পিছত মানুহে তেওঁলোকৰ স্বাভাৱিক জীৱন যাত্ৰা ঘূৰাই পাবলৈ চেষ্টা চলাই আছে৷ পশ্চিম আৰু পূব ইম্ফলত দুৰ্বৃত্তৰ দ্বাৰা অগ্নিসংযোগৰ ঘটনাৰ পিছতে উত্তেজনা পুনৰ বিয়পি পৰিছে৷ সেনা, বায়ু সেনা আৰু অসম ৰাইফলছে আইন-শৃংখলা বৰ্তাই ৰাখিবলৈ চেষ্টা অব্যাহত ৰাখিছে৷
ইপিনে ইম্ফলৰ পেট্ৰ'ল পাম্পত মানুহৰ দীঘলীয়া শাৰী দেখিবলৈ পোৱা গৈছে৷ সংবাদ সংস্থা এএনআইয়ে শ্বেয়াৰ কৰা এটা ভিডিঅ'ত, লোকসকলে দুচকীয়া বাহনত তেল ভৰাবলৈ শাৰীত পাতি অপেক্ষা কৰা দেখা গৈছে৷ তেওঁলোকৰ ভিতৰত বহু স্বাস্থ্যসেৱা কৰ্মীও আছে৷
মণিপুৰৰ চুৰাচান্দপুৰত নিৰাপত্তাৰক্ষীয়ে চাৰিজন লোকক গুলীয়াই হত্যা কৰাৰ খবৰ আহিছে। ইফালেমণিপুৰত নিহত হৈছে এজন চিআৰপিএফ কমাণ্ডোকে ধৰি এজন আয়কৰ বিষয়া।
পৰিস্থিতিৰ মোকাবিলা কৰিবলৈ কেন্দ্ৰীয় চৰকাৰে শুকুৰবাৰে মণিপুৰত ধাৰা ৩৫৫ জাৰি কৰি আৰু আইন-শৃংখলা আৰু নিৰাপত্তা বজাই ৰখাৰ দায়িত্ব গ্ৰহণ কৰিছিল। মেইটেই সম্প্ৰদায়ৰ লোকসকলে জনজাতি পৰিচয়ৰ বাবে এই সপ্তাহৰ আৰম্ভণিতে আন্দোলন আৰম্ভ কৰিছিল। ইয়াৰ ৪৮ ঘণ্টাৰ ভিতৰতে মণিপুৰ প্ৰায় যুদ্ধক্ষেত্ৰত পৰিণত হৈছিল।
Continue Reading
